बाँके भदौ १० गते ।
एक दिन ढिला गरी भारतीय धर्म गुरु जग्गी वासुदेव ‘सद्गुरु’ हुम्लाको सदरमुकाम सिमकोट आइपुगेका छन् । नेपाली भू–भागबाटैं मानसरोवर कैलाशको दर्शन गर्न लिमिको लाप्चा क्षेत्र जानेगरी सद्गुरु सिमकोट ओर्लिएका हुन् ।
खराब मौसमको कारण हेलिकोप्टरले उडान भर्न नसक्दा काठमाडौँबाट नेपालगंज र नेपालगन्जबाट सिमकोट हवाई जहाजमा आइ पुगेका हुन् । उनीसँगै अरु दुई जना सहयोगीहरु पनि सिमकोट आएका छन् । सिमकोट विमानस्थलमा ओर्लिएपछि उनले सिमकोटलाई निक्कै सुन्दर ठाउँ भएको प्रतिक्रिया दिए ।
‘जीवनमा मैले घुमेका प्राकृतिक सौन्दर्य स्थान मध्यको उच्चकोटीमा पर्ने ठाउँमा म पुगेको छु’ सद्गुरुले सिमकोटको वर्णन गर्दै भने, ‘कैलास पर्वतको काखमै रहेको सिमकोट विकासका दृष्टिले केही पछि भएपनि नेचुरल्ली निकै स्वर्ग रहेछ ।’ विमानस्थलबाट वासस्थान सिमसार क्षेत्रसम्म पुग्न मोटर साइकलको व्यवस्था गरिएको भएपनि पैदलमै गएका जग्गी वासुदेव ‘सद्गुरु’ले हिमाली जिल्ला हुम्लाको सौन्दर्यताको वर्णन गरे ।
‘सदुगुरु’ बिहिबार बिहानदेखि उनले लाप्चातर्फको पैदल यात्रा सुरु गर्ने बताइएको छ । उनको यात्राका लागि ५५ जना कुक, गाइड र ४६ जना विभिन्न देशका गुरुसँग जाने पर्यटकहरु सिमकोट यस अघि नैं पुगिसकेका छन् ।पछिल्लो समय देशमा राजनीतिक परिस्थितीले नयाँ मोड लिएका बेला चर्चित धर्मगुरु ‘सद्गुरु’को चीनको सिमानामा पर्ने हुम्लाको भ्रमणलाई अर्थपूर्ण रुपमा हेरिएको छ ।
उनको भ्रमण नितान्त धार्मिक र व्यक्तिगत भनिएको भएको छ । तर उनको भ्रमणलाइ केहीले कुटनीतिक र राजनीतिक हुन सक्ने व्याख्या गरेका छन् ।
Discussion about this post