खोजखबर संवाददाता
बाँके असोज ४ गते । क्रियाशिल पत्रकार समूह बाँकेको पूर्नगठन गरिएको छ । कोहलपुरमा सक्रिय पत्रकारीता गर्दै आएका पत्रकारहरुको विशेष भेलाले निर्मल आचार्यको अध्यक्षतामा समुह पुर्नगठन गरिएको हो ।
२ वर्ष पहिले गठन गरीएको समुह पछिल्लो समय निश्क्रिय रहँदै आएको थियो । पुर्नगठित समुहको उपाध्यक्षमा संगिन शर्मा, सचिव राम बहादुर रावत, सहसचिवमा कविन्द्र परिवार र कोषाध्यक्षमा अनिता बिक चयन भएका छन । समुहमा पुरानै सदस्यहरु पवित्रा परियार, प्रिया शाही, डिल्ली शाही, यानवी साहु, कृष्ण चौधरी र रबि रोकायालाई निरन्तता दिईएको छ भने नयाँ सदस्यका रुपमा रबिन्द्र सिंह ठकुरी, भिम पौडेल, अशोक भण्डारी र कल्पना कार्कीलाई चयन गरिएको हो ।
पुर्नगठन भएसँगै क्रियाशिल पत्रकार समूहको विधान बनाएर बाँकेका सबै स्थानिय तहहरुमा सुचिकृत गरिने अध्यक्ष निर्मल आचार्यले बताए । पत्रकारहरुको ब्यवसायीक शुद्धताका साथै पत्रकार हकहितका विषयमा क्रियाशिल पत्रकार समुहले पैरवी गर्ने आचार्यले बताए ।
त्यस्तै समूहका उपाध्यक्ष संगिन शर्माले क्रियाशिल पत्रकाहरुको हक र अधिकारका लागि नीतिगत संषर्घ गर्ने बताउँदै पत्रकारहरुका समस्यालाई समाधान गर्न सबैसँग सहकार्य गर्ने बताए ।
समुहका सचिव राम बहादुर रावतले पत्रकारले जनताको आवाजको प्रतिनिधित्व गर्ने भएकाले जनताका समस्यालाई पहिलो प्राथमिकता दिन विशेष नीति अपनाईने बताए ।
क्रियाशिल पत्रकार समूह बाँकेको अध्यक्ष निर्मल आचार्यको सभापतित्वमा सम्पन्न भएको भेलामा समूहका सल्लाहकार राजेश आचार्य लगायत कोहलपुरका क्रियाशिल पत्रकारहरुको सहभागिता रहेको थियो ।
Discussion about this post