बाँके मंसिर १७ गते ।
नेपाली कांग्रेसको प्रदेश समितिको नेतृत्व चयनका लागि आज उम्मेदवारी दर्ता हुँदै छ । आज उम्मेदवारी दर्ता भएसँगै भोलि मतदान हुने छ । प्रदेशमा करिब १६ सय मतदाता छन् ।
लुम्बिनी प्रदेश समितिको नेतृत्वका लागि पार्टीभित्रका दुई गुटले छुट्टाछुट्टै उम्मेदवारी घोषणा गरेका छन् । प्रदेश सभापतिका लागि संस्थापन पक्षबाट रुपन्देहीका संघीय सांसद भरतकुमार शाह र संस्थापन इतर पक्षबाट रोल्पाका जिल्ला सभापति अमर पुनले उम्मेदवारी दिन लाग्नुभएको हो ।
प्रदेशका १२ जिल्लामध्ये बाँकेबाहेक ११ जिल्लाको अधिवेशन सकिँदा रुपन्देही र बर्दिया बाहेक ९ जिल्लामा संस्थापन इतरले जिल्ला सभापति जितेको छ ।
संस्थापन पक्षबाट उप–सभापतिमा दाङका राजु खनाल र कपिलवस्तुका सुधाकर पाण्डे, महामन्त्रीमा बर्दियाका जन्मजय तिमल्सिना र प्युठानका खिमानसिंह रायमाझी तथा सह–महामन्त्रीमा बाँकेका लक्ष्मीनारायण शाह, बाँकेकै माया पुन र रुपन्देहीकी सरिता चौधरीलाई उम्मेदवार बन्नुभएको छ ।
संस्थापन इतर पक्षबाट उप–सभापतिमा गुल्मीका भुवनप्रसाद श्रेष्ठ र रुपन्देहीका अष्टभुजा पाठक, महामन्त्रीमा नवलपरासीका विक्रम खनाल र कपिलवस्तुका सुरेन्द्रराज आचार्य, तथा सह–महामन्त्रीमा दाङका खगराज पाण्डे, अर्घाखाँचीका विष्णु मुस्कान र प्यूठानकी निमा गिरी उम्मेदवार बन्नु भएको छ ।
Discussion about this post