भतगराम थारु
बाँके असार ४ गते । नेपालगन्ज उपमहानगरपालिका वडा नं. ३ मा बुधवार निशुल्क आँखा जाँच तथा स्वास्थ्य परिक्षण सम्पन्न भएको छ ।
मुसाफिरखाना गल्लामण्डि वडा नं. ३ स्थित भएको निशुल्क आँखा जाँच तथा स्वास्थ्य परिक्षण कार्यक्रममा २८६ जनाले उपचार सेवा लिएका थिए । नेपालगन्ज उपमहानगरपालिका वडा नं. ३ को आयोजक तथा गुरुकुल बचत तथा ऋण सहकारी संस्था लिमिटेडको सहकार्यमा निशुल्क आँखा जाँच तथा स्वास्थ्य परिक्षण सम्पन्न भएको हो ।
आफ्नै घर आंगनमा उपचार पाएपछि स्थानिय खुसीले हर्षित भएका थिए । लामो समयदेखि आँखाको समस्या थिए घर अगाडी नै उपचार गर्ने मौका पाए एक जना ५९ बर्षिय बृद्ध जामिल अहमद जरेगरले बताउनुभयो । यस्तो अवसर सुनेको मात्र थिए आफैले सेवा लिने मौका पनि मिल्यो जरेगरले भन्नुभयो । आँखाको समस्याले आफुलाई बाहिर हिड्ने धौधौ थियो उपचार पाए एकदमै खुसी छु उहाँले भन्नुभयो ।
न्युन आयस्तरको समस्या भएपनि घरमै उपचार पाएर खुसी भएको ७३ बर्षिय जयवति बैश्यले भन्नुभयो । नेपालगन्जको प्रचण्ड गर्मीले बाहिर निस्कनै नसिने भएको हुनाले घर आंगनमै उपचार पाएपछि उपचार गराउन आएको ७३ बर्षिय बैश्यले भन्नुभयो । गर्मीमा पनि चिसो खानेपानी देखि निशुल्क सम्पुर्ण समस्याको उपचा एकैठाउँ पाएको भन्दै हर्षित भए ७३ बर्षिय जयवति बैश्यले भन्नुभयो ।
उपचारका लागि आफुसंग आर्थिक समस्या रहेको भन्दै अहिलेसम्म त्यतिकै बसेको थिए उहाँले भन्नुभयो, निशुल्क उपचार सेवा लिन पाए अव आफुलाई नि समस्या नहुने उहाँले बताउनुभयो । कार्यक्रममा आँखा अप्रेसन आँखा चेकजाँच, दात चेकजाँच, सुगर प्रेसर चेकजाँच लगायतको उपचार सेवा प्रवाह गरिएको थियो ।
आँखाका विरामी २०७ जना जसमध्ये २७ जनालाई अप्रेसन गरिनुपर्ने, ६० जनालाई चस्मा वितरण, ल्याव परिक्षण ११३ जना, फिजिसियन तथा महिला सम्बन्धि रिफर २० जना तथा दात सम्बन्धि १०५ जनालाई निशूल्क उपचार गरिएको गुरुकुल बचत तथा ऋण सहकारी संस्था लिमिटेड नेपालगन्जका व्यवस्थापक टिकाराम चौधरीले भन्नुभयो ।
कार्यक्रमको प्रमुख अतिथि नेपालगन्ज उपमहानगरपालिकाका प्रमुख डा.धवल शम्सेर राणाको प्रमुख आतिथ्यतामा भएको कार्यक्रमको अध्यक्षता नेपालगन्ज उपमहानगरपालिकाका वडा नं. ३ का वडा अध्यक्ष मो. आयुव सिद्दिकीले गर्नुभएको कार्यक्रममा विशिष्ट अतिथिमा गुरुकुल बचत तथा ऋण सहकारी संस्था लिमिटेड नेपालगन्जका अध्यक्ष सुरेन्द्र सिह सरदार, अतिथिमा बचत तथा ऋण जिल्ला सहकारी संघका सचिव तथा गुरुकुलका भुतपुर्व अध्यक्ष प्रेम बहादुर शाह रहनुभएको थियो ।
यस्तै कार्यक्रमको प्राविधिक सहयोगमा फत्तेबाल आँखा अस्पताल नेपालगन्ज, बाँके डेन्टल क्लिनिक र गुरु डाइग्रोन्टिक सेन्टर नेपालगन्जले गरेका थिए । निशुल्क आँखा जाँच तथा उपचार सेवा कार्यक्रममा फत्तेबाल आँखा अस्पतालका उमर अहमद सिद्दिकी, ल्यावका विनय कुमार पाण्डे, बाँके डेन्टल क्लिनीकका प्रतिनिधिहरुले उपचार गरेका थिए ।
Discussion about this post