खोजख संवाददाता असार ४ गते ।
नेपालगन्ज उपमहानगरपालिकामा गतराति एक विद्यार्थीले आँपको रुखमा झुन्डिएर आत्महत्या गरेका छन।
नेपालगन्ज उपमहानगरपालिका वडा -१२ स्थित नेपालगन्ज मेडिकल कलेज पछाडिपट्टी रहेको बगैंचामा आँपको रुखमा डोरी लगाई बर्दियाको बढैयाताल मैनापोखर घर भई हाल नेपालगन्जको भेरी प्राविधिक शिक्षालयमा सिभिल ईन्जिनियर अध्ययन गर्दै गरेका विद्यार्थी बालकृष्ण मल्लले आत्महत्या गरेको बाँके प्रहरीले बताएको छ।
नीज बिद्यार्थीले यसपालि विज्ञान संकायबाट कक्षा १२ को परीक्षा पनि नेपालगन्जमा रहेको मंगल प्रसाद मा-वि- बाट दिएको उनका परिवारले बताएका छन् । पढ्नमा तेज रहेका उनले के कति कारणले आत्महत्या गरे भनेर उनका आफन्तजन सबै चकित परेकाले छन् ।
अहिले उनको भेरी अञ्चल प्रदेश अस्पतालमा पोष्टमार्टम गर्न पठाएको र पोष्टमार्टमको रिपोर्ट आएपछि आत्महत्या कि कसैले हत्या गरेको भन्ने भन्न सकिने जिल्ला प्रहरी कार्यालय बाँकेले बताएको छ ।
Discussion about this post