बाँके फागुन १० गते ।
नेपालगन्जबाट ठूलो परिमाणमा प्रतिबन्धित लागु औषध ब्राउन सुगरसहित आज एकजना पक्राउ परेका छन् ।
नेपालगन्ज उपमहानगरपालिका–१६ चौलिका चोक नजिकैबाट बर्दिया बढैयाताल गाउँपालिका–९ शान्तिपुरका २४ वर्षीय प्रविण विसीलाई १५० ग्राम ब्राउन सुगरसहित पक्राउ गरिएको बाँकेका डिएसपी मधुसुदन न्यौपानेले जानकारी दिनुभयो ।
लागु औषध नियन्त्रण व्यूरो र जिल्ला प्रहरी कार्यालय बाँकेको टोलीले विसीको हिडाई शंकास्पद देखेपछि खानतलासी गर्दा ज्याकेटको दाँहिने खल्तीमा ३ वटा प्लाष्टिकमा पोका पारि राखिएको उक्त ब्राउनसुगर बरामद भएको हो ।
उनको साथबाट तीन हजार नगद समेत फेला परेको प्रहरीले जनाएको छ । उनी एक वर्षदेखि लागु औषध सेवन तथा कारोवारमा संलग्न रहेको खुलेको पनि प्रहरीले जनाएको छ ।
सीमावर्ती रुपैडिया बजारबाट भारतीय नागरिकलाई चार लाख रुपैयाँ दिएर उनले ब्राउन सुगर खरिद गरि ल्याएका थिए ।
उनले उक्त ब्राउन सुगर काठमाडौं लैजाने उद्देश्यले नेपाल भित्र्याएको बताएको प्रारम्भिक अनुसन्धानबाट खुलेको प्रहरीले जनाएको छ ।
Discussion about this post