बाँके फागुन १९ गते ।
नेपाली कांग्रेस बाँकेको जिल्ला अधिवेशन शुरु भएको । नयाँ नेतृत्व चुन्न जिल्ला समन्वय समितिमा मतदान शुरु भएको हो । निर्वाचनमा १४ सय ९३ मतदाता छन् ।
सभापति, दुई उपसभापति, दुई सचिव तथा दुई सहसचिव र कार्यसमिति सदस्य चुन्न आज मतदान हुन लागेको हो । अपरान्ह ४ बजेसम्म मतदान चल्नेछ ।
सभापतिमा तीन जना, उपसभापति, सचिव र सहसचिवमा ४४ जना उम्मेदवार प्रतिष्पर्धामा छन्। सभापतिका लागि नारायणप्रसाद गौडेल, सुरेन्द्र बहादुर हमाल र बादशाह प्रतिष्पर्धामा छन्।
उपसभापतिमा गोपाल प्रसाद अधिकारी, राजकुमार मौर्य, कृष्ण बहादुर कार्की र सुदिपनरसिंह राणा तथा सहसचिवमा सुधांशु कोइराला, टंकप्रसाद काफ्ले (आशिष), रविन्द्र बहादुर हमाल र सञ्जु कुमारी चौधरी र सहसचिवमा रेणु सिंह ठाकुर, विश्वराज लम्साल, पूर्ण कुमार सिंह ठकुरी (पुरन) र विनोद कुमार थारु प्रतिष्पर्धी छन् ।
कांग्रेस विधान अनुसार सभापतिमा निर्वाचित हुनेले ५० प्रतिशत बढी मत ल्याउनुपर्ने हुन्छ भने अन्य पदमा बढी मत ल्याउने निर्वाचित हुनेछन् । मतदान लगत्तै मगगणना शुरु हुने जनाइएको छ ।
Discussion about this post