बाँके फागुन २० गते ।
नेपाली कांग्रेस बाँके सभापतिमा नारायण प्रसाद गौडेल निर्वाचित हुनुभएको छ । गौडेल ७६० मतका साथ सभापतिमा विजयी हुनुभएको छ । गौडेल संस्थापन इतर समूहका हुनुहुन्छ ।
बाँके कांग्रेस सभापतिको दोस्रो चरणको निर्वाचनबाट गौडेल उहाँका प्रतिद्वन्द्वी बादशाह कुर्मीलाई ९७ मत अन्तरले पराजित गर्दै सभापति पदमा निर्वाचित हुनुभएको छ ।
संस्थापन इतरबाट गौडेल र संस्थापन समूहबाट कुर्मी उम्मेदवार बन्नुभएको थियो । गौडेलले ७६० मत प्राप्त गरेका छन् भने ६६३ मत प्राप्त गर्नुभएको छ ।
आज भएको दोस्रो चरणको मतदानमा कुल १४९३ मतादातामा १४३९ जनाले मतदान गरेका थिए भने मत बदर भएको थियो । सभापतिको हिजो भएको पहिलो चरणको मतगणनामा गौडेलले ५६९ मत ल्याएर पहिलो हुुनुभएको थियो भने कुर्मीले ५३८ र संस्थापन समूहकै सुरेन्द्र हमालले ३१४ मत प्राप्त गर्नुभएको थियो ।
अन्य पदाधिकारी तथा कार्यसमिति सदस्यहरुको मतगणना पनि सुरु भएको छ ।
Discussion about this post