बाँके बैशाख २१ गते ।
राष्ट्रिय प्रजातन्त्र पार्टी राप्रपाले नेपालगन्ज स्तरीय घोषणापत्र सार्वजनिक गरेको छ । सुशासन र भ्रष्टाचाररहित स्थानीय सरकारको परिकल्पना गर्दै राप्रपाले आफ्नो घोषणापत्र सार्वजनिक गरेको छ ।
घोषणापत्रमा सुशासन, शिक्षा, स्वास्थ्य, कृषि, पर्यटन, भौतिक पूर्वाधार, सञ्चार, रोजगार, कर प्रणाली, खानेपानी तथा सरसफाई, स्थानीय कला, सँस्कृति, धर्म, गरिवी निवारण, सामाजिक सुरक्षा र युवा तथा खेलकुद जस्ता बिषयहरुमा बिषयगत रुपमा काम गर्ने योजना सार्वजनिक गरिएको छ । राप्रपाका तर्फबाट नेपालगन्जको प्रमुख पदका नन्दलाल बैश्य चुनावी प्रतिस्पर्धामा छन् ।
बैश्यले आफ्नो जीत सुनिश्चित भएको बताएका छन् । माओवादी केन्द्रले बहुसख्यक नेता कार्यकर्ताको भावना र मर्म विपरित काम गरेका कारण आफूले राप्रपा रोजेको भन्दै चुनावमा आफूलाई दुवै पक्षको साथ रहेको बताए ।
केही माओवादीको र राप्रपाको साथीहरुको सहयोगले आफ्नो जित ९० प्रतिशत सुनिश्चित भएको दाबी तरे । उनी अहिले रातदिन कार्यकर्ता र नेताहरुसँग छलफल गर्दै दैनिकी बिताइरहेका छन् ।
बैश्य लामो समयदेखि सामाजिक तथा व्यवसायिक क्षेत्रमा सक्रिय छन् । नेपालगन्ज उद्योग वाणिज्य संघका पूर्वअध्यक्ष बैश्यको सामाजिक क्षेत्रमा समेत योगदान रहेको छ । उनी माओवादी छाडेर राप्रपामा प्रवेश गरेका हुन् ।
त्यही भएर माओवादी केन्द्रको मत पनि प्राप्त हुने अपेक्षा उनको छ ।
Discussion about this post