सरला सुबेदी
बाँके जेठ १८ गते ।
पछिल्लो समय पत्रकार महिलाहरु बाँके जिल्लाबाट पलायन भैइरहेको हुँदा उनिहरुलाई सकृय रुपमा पत्रकारितामा ल्याई उनिहरुको पत्रकारितालाई निरन्तरता दिन पहल गरिने कुरामा जोड दिइएको छ्।
बुधबार नेपालगन्जमा आयोजित सन्चारिका समूह नेपाल बाँके शाखाको आयोजनामा स्थानिय तहका नवनिर्वाचित जनप्रतिनिधिहरुलाई सम्मान गर्न र बाँके जिल्लामा पत्रकार महिलाको अवस्था के कस्तो छ भन्ने अन्तरक्रिया कार्यक्रम सन्चारिका समूह नेपाल बाँके शाखाकी अध्यक्ष रुपनी जिएमको अध्यक्षता र नेपालगन्ज उपमहानगरपालिकाका नगरप्रमुख प्रशान्त बिष्टको प्रमुख आतिथ्यतामा कार्यक्रम सम्पन्न गरिएको हो ।
कार्यक्रममा बोल्दै नेपालगन्जका नगरप्रमुख बिष्टले बाँके जिल्लामा पत्रकार महिलाहरु पछिल्लो समय पलायन हुँदै गैइरहेको हुदा उनिहरुलाई यस पत्रकारिता क्षेत्रमा सक्रिय बनाई पत्रकारीतामा टिकाई राख्नको अति आवश्यक भएको बताए।
उनले जनप्रतिनिधि र पत्रकार भनेका एक अर्काको परिपुरक भएको र उपमहानगरपालिका भित्र भएका हरेक गतिविधिबारे पत्रकार महिलाहरुलाई पहिलो प्राथमिकता दिने प्रतिबद्धता गर्दै सन्चारिका समुहको सिफारिसमा प्रत्येक बर्षको मार्च ८ नारी दिवसको दिन बाँके जिल्लामा सकृय रुपमा काम गरिरहेका एक जना पत्रकार महिलालाई नगद रु २१ हजार प्रोत्साहन र सम्मान स्वरुप दिने घोषणा समेत उनले गरेका छन् ।
यस्तै कार्यक्रममा नेपालगन्ज उपमहानगरपालिकाका उपप्रमुख कमरुद्दिन राईले प्रमुखले गरेको घोषणामा पत्रकार महिलाहरुले गरेको काम निकै सार्हनिय भएको र आगामी दिनहरुमा नि उनिहरुको साथ र सहयोगमा आफू रहने र सन्चारिका समूह नेपाललाई उपमहानगरपालिकाबाट क्षमता बिकास तालिम , र अन्य अवसरहरु पनि अबका दिनहरुमा दिने बताए।
यस्तै कार्यक्रममा कोहलपुर नगरपालीकाकि उपप्रमुख सङ्गिता सुबेदीले आफ्नो कार्यकालमा नगरपालिका भित्र हुने हरेक व्यतिथी र कामकाजको बेला पत्रकार महिलाहरुलाइ नि सम्झिने र पत्रकार महिलाको संख्यामा बृद्दी गर्न आफुले पहल गर्ने बताईन ।
यस्तै सन्चारिका समुहको तर्फबाट सन्चारिका समुहको ईतिहास र बाँके जिल्लामा यसको जन्म अनि आज सम्म आइपुग्दा भोगेका समस्या चुनौती र अवसरका बारेमा पुर्व अध्यक्ष डाक्टर मुना श्रेष्ठले प्रस्ट पारेकि थिइन उनले सन्चारिका समूह अनि बाँके जिल्लाका पत्रकार महिलाहरुलाई सक्रिय बनाई राख्न स्थानिय तहहरुबाट विशेष पहल गरिदिन अनुरोध गर्दै नवनिर्वाचित पालिका प्रमुख उपप्रमुखहरुलाई शुभकामना तथा बधाई दिएकी थिईन।
कार्यक्रममा सन्चारिका समुहकी सस्थापक अध्यक्ष अछरी पोख्रेलले आफुले जन्माएको सस्था हुदा छोराछोरिको जस्तै माया लाग्ने र स्थानीय तहका निर्वाचित जनप्रतिनिधिहरुले पनि यसै गरि माया गरिदिनु होला भन्दै अनुरोध गर्दै जनप्रतिनिधिहरुले गरेका राम्रा कामहरुको सधै समाचार बनाउन पाइयोस भन्दै शुभकामना दिदै बधाई ज्ञापन गरेकी छिन् ।
कार्यक्रममा बैजनाथ गाउँपालिका उपाध्यक्ष निर्मला रोकाय, खजुरा गाउँपालिका उपाध्यक्ष मन्जु मल्ल डुढुवा गाउँपालिका उपाध्यक्ष सायदा बानु जानकी गाउँपालिका उपाध्यक्ष रामप्यारी यादब, पत्रकार महासंघ लुम्बिनी प्रदेश उपाध्यक्ष शुक्रऋषि चौलागाई, प्रेस चौतारी अध्यक्ष दुर्गा रोकाय सन्चारिका समूह लुम्बिनी प्रदेश उपाध्यक्ष रुपा गहतराजले आ आफ्नो धारणा राखेका थिए।
Discussion about this post