बाँके जेठ १९ गते ।
नेपालगन्जको सेतु विक चोकमा राखिएको सेतु विकको शालिक पनि तोडफोड भएको छ । वीरेन्द्र चोकमा राखिएको राजा वीरेन्द्रको शालिक प्रहरीले हटाएपछि आक्रोसित बनेका राप्रपाका कार्यकर्ताहरुले सेतु विक चोकमा राखिएको सेतुको शालिक तोडफोड गरेका हुन् ।
नेपालगन्ज उपमहानगरपालिकाका उपप्रमुख कमरुद्दिन राईले सद्भावको शहर भनेर चिनिने नेपालगन्जमा केही अराजक समूहले सद्भाव विथोल्न खोजेको आरोप लगाउनुभयो ।
उहाँले शालिकमाथि भएको तोडफोडको घटनाप्रति गम्भिर ध्यानाकर्षण भएको बताउनुभयो । उहाँले घटनालगत्तै धम्बोझी चोक र शहीद सेतु विक चोक पुगेर घटनाबारे स्थलगत जानकारी लिदै शहीद सेतु विकको शालिकमा तोडफोड गर्ने कार्यको निन्दा गर्नुभयो ।
शालिक राख्ने र हटाउने विषयमा बारम्बार विवाद हुने गरेकाले त्यसको स्थायी समाधानका लागि सम्वद्ध सबै पक्षसँग संवाद गरेर अघि बढ्ने राईले प्रतिवद्धता ब्यक्त गर्नुभएको छ ।
उहाँले नेपालगन्जको सदभावलाई विगार्न दिन नहुने बताउनुभयो । प्रहरी प्रशासन, राजनीतिक दल तथा सुरक्षाकर्मी सबै मिलेर नेपालगन्जको सदभाव कायम राख्नुपर्ने उहाँको भनाइ छ ।
Discussion about this post