बाँके जेठ १९ गते ।
नेपालगन्जको धम्बोझी चोकमा केही समय अघि राखिएको स्व. राजा वीरेन्द्रको शालिक अहिले प्रहरीले हटाएको छ । त्यसक्रममा झडप हुँदा गोली चलेको छ ।
प्रत्यक्षदर्शीले ५/६ राउण्ड हवाई फायर भएको बताएका छन् । जिल्ला प्रशासन कार्यालय बाँकेले टियर ग्याँस चलाएको पुष्टि गरेको छ । चोकलाई अहिले सशस्त्र र जनपद प्रहरीले घेरा हालेको छ । आवतजावत रोकिएको छ ।
स्व. राजा बिरेन्द्रको सम्झनामा नेपालगन्जको बिरेन्द्र चोकमा आज विहान राष्ट्रबादी युवाहरुले बिरेन्द्र राजाको शालिक राखेको राप्रपाका सहायक महामन्त्री ऋषिराज देवकोटाले बताए ।
स्व. राजाको शालिक पुनः स्थापना गर्दा स्वतन्त्र अभियन्ता, राष्ट्रबादी युवा समूह एबम् राप्रपाका नेता कार्यकर्ताको बाक्लो उपस्थिति रहेको थियो ।
आज राजा बिरेन्द्रको बंस नास भएको २१ बर्ष पूरा भएको दिन पारेर शालिक पुनःस्थापना गरिएको । २०६२/६३ को जनआन्दोलनमा विरेन्द्र चोकमा रहेको स्व। राजा विरेन्द्रको शालिक भत्काइएको थियो ।
Discussion about this post