किसानको मागलाई लिएर एमालेले दियो सिडिओ कार्यालयमा धर्ना

बाँके असार १२ गते ।
नेकपा एमाले बाँकेले नागरिकका जनजीविकाका सवाललाई मुद्धा बनाएर आज जिल्ला प्रशासन कार्यालय बाँकेमा दुइ घण्टा घेराउ तथा धर्ना कार्यक्रम गरेको छ ।

एमाले बाँकेले नागरिकका अतिआवश्यकीय सवालहरु किसानका लागि मल, वीउ, चर्को मुल्य बृद्धि, महंगी, कालोबजारीकरण, संकटाउन्मुख राष्ट्रियताका जस्ता मुद्धालाई लिएर जिल्ला प्रशासन घेराउ तथा धर्ना कार्यक्रम गरेको हो ।

बाँके जिल्ला कमिटीको बैठकले एक महिने जनजीविका तथा पार्टी सुदृढीकरण अभियान अन्तरगत नेपालगन्जमा यो कार्यक्रम गरेको बाँके जिल्ला अध्यक्ष किस्मतकुमार कक्षपतिले जानकारी दिनुभयो ।

एमाले नेता तथा कार्यकर्ताले किसानलाई मल दे, पेट्रोलियम पदार्थको मुल्यबृद्धि अन्त्य गर, चर्को महंगी अन्त्य गर, सबै प्रकारका हिंसा अन्त्य गर, महिला हिंसा अन्त्य गर, शान्ति सुरक्षा कायम गर जस्ता नारा सहित धर्ना गरेका थिए ।