बाँके साउन ९ गते ।
जिल्ला प्रशासन कार्यालयले बास्तविक किसानलाई भारतबाट रासायनिक मल ल्याउन सहजता प्रदान गरेको छ । नेपालमा मलको अभाव चर्किएपछि स्थानीय प्रशासनले भारतबाट किसानहरुले ल्याउने मलमा सहजता प्रदान गरेको हो ।
तर यसैको फाइदा उठाएर प्रहरीले भने गतिलै आम्दानी गर्न सफल भएको छ । प्रहरीको सेटिङमा तस्करहरुले निर्वाध रुपमा अवैध मल भित्र्याउने गरेका छन् । व्यवसायीक प्रयोजनका लागि तस्करहरुले प्रहरीलाई लाइन दिएर मल भित्र्याइरहेका छन् ।
यतिखेर भारतबाट नेपालतर्फ रासायनिक मलको तस्करी बढेको छ । बाँकेको खडैचा भज्जुपुर्वाबाट रासायनिक मल अवैध रुममा प्रहरीको सेटिङमा तस्करी भइरहेको छ । तर बास्तविक किसानलाई भने प्रहरीले अनावश्यक दुख दिने गरेको छ ।
एक बोरा मल ल्याउने किसानलाई बाटोमा रोकेर अनावश्यक दुख दिने र नास्तापानीका लागि पैसा माग्ने गरेको किसानहरु सुनाउँछन् । धान खेतीका लाग अहिले रासायनिक मलको आवस्यकता छ । नेपालमा पर्याप्तमात्रामा मल छैन । किसानहरु भारतबाट मल ल्याउन बाध्य छन् ।
साना र निम्नस्तरका किसानलाई अनावश्यक दुख दिने प्रहरीले व्यवसायीहरुसँग पनि गतिलै अशुली धन्दा चलाइरहेको छ ।
भारतमा ४ सय रुपैयाँ भारु पर्ने मल नेपालमा ल्याएर १३ सय नेपालीमा तस्करहरुले विक्री गरिरहेको पाइएको छ । प्रहरी चौकी खडैचाबाट खटिएको घुमुवा प्रहरी असुलीमा बढी सक्रिय देखिएका छन ।
भारतबाट किसानहरुले ल्याएको मलबाट ५०/१०० रुपैयाँसम्म अशुल्नु उनीहरुको दैनिकी बनिसकेको छ । तस्करहरुसँग भने उनीहरुको मासिक डिल हुने गरेको छ ।
एकजना तस्करबाट कम्तिमा १५ देखि २० हजार रुपैयाँ सम्म प्रहरीले लिने गरेको स्रोतले बताउँछ । खडैचा भज्जुपुर्वाबाट कपडा, कुखुरा, राँगा भैंसी, सुर्ती चिनी लगायतको विभिन्न सामानहरु प्रहरीको सेटिङमा तस्करहरुले भित्र्याउने गरेको स्थानीयले बताउँछन् ।
Discussion about this post