बाँके असोज ६ गते ।
बाँकेमा अवैध तस्करी ह्वात्तै बढेको छ । फितलो सुरक्षाका कारण भारतबाट हुने अवैध तस्करीका कारण नेपालगन्जका व्यवसायी मर्कामा परेका छन् ।
खुला सीमानाका र कमजोर सुरक्षाको फाइदा उठाउँदै तस्करहरुले विभिन्न नाकाको प्रयोग गरेर ठूलो परिमाणमा भारतबाट भन्सार छलेर अवैध सामान भित्र्याउने गरेका छन् ।
करिव ६५ किलोमिटर खुला सीमा रहेको बाँकेमा नेपालगन्जको जमुनाह नाकामा केही कडाई देखिएपनि अन्य नाकाहरुबाट भने तस्करहरुले निर्वाधरुपमा अवैध सामान भित्र्याउने गरेको स्रोतको भनाइ छ । चाडपर्वको मुखमा यसरी अवैधरुपमा भित्रिने सामानले नेपालगन्जका व्यवसायीहरु भने मर्कामा परेका छन् ।
कारोवार हुने मुख्य सिजनमै भारतबाट तस्करहरुले खाद्यान्न, लत्ताकपडालगायतका उपभोग्य तथा दैनिक प्रयोगमा आउने सामानहरु धमाधम भित्र्याइरहँदा नेपाली व्यवसायीहरु भने मुखदर्शक बन्न बाध्य छन् । उनीहरुले गृहप्रशासनलाई अवैध तस्करी रोक्न आग्रह गर्दा पनि खासै प्रभावकारी हुन सकेको छैन ।
भारतमा सस्तोमा खरिद गर्ने र नेपालमा महंगोमा विक्री हुने गरेका कारण तस्करहरुले भारतबाट अवैध सामान नेपालमा भित्र्याउने गरेका छन् । अहिले रुपैडिया बजारमा उपभोक्ताको थामिनसक्नु भीड छ । त्यसैमा तस्करहरुले अवैधरुपमा दैनिक उपभोग्य सामानहरु ल्याउने गरेका कारण नेपाली व्यवसायीहरु पलायन हुने अवस्था आएको व्यवसायीहरु दुखेसो पोख्छन् ।
यहाँबाट तस्करी गर्ने मुख्य व्यक्तिहरूमा
रहिस, भल्लर, मन्त्री, गुडु, कलिम, वन्टी, सविर, रन्जिता,
सुखा यादव, सफिक, सद्दाम, इरफान, आरिफ, नन्कु साहु, मन्जु, विना, ललिता, सुशीला, सोनू, आशा, अर्चना, मिरा, सतिस, नसुरूद्दीन, बरकत लगायत रहेका छन् ।
Discussion about this post