बाँके असोज ७ गते ।
चाडपर्व सुरुभएसंगै बाँकेमा अवैध तस्करी ह्वात्तै बढेको छ । भारतबाट भन्सार छली ल्याएको तस्करीको अबैध सामान नेपालगञ्जको घरबारीटोल, बसपार्क लगायतका विभिन्न स्थानमा भन्डारण हुने गरेको खुलेको छ ।
तस्करहरुले तस्करीको सामान टंकपसरी पिप्रहवा बाबुगाँउमा भण्डारण गरेर दिउँसो र रातीको समयमा नेपालगन्ज ल्याउने गरेका छन । तस्करहरुले भरियाको प्रयोग गरेर अवैध सामान भण्डारण गर्ने र रातीको समयमा ठूला सवारी साधानमा लोड गरेर अन्यन्त्र जिल्ला पठाउने गरेको तस्कर स्वयम बताउँछन् ।
तस्करहरुले कपडा, लेडिज शुट, हाडवेयर, आटो पार्टस, चिनी, खाद्यान, रेडबुल, कोकाकोला, रजनीगन्धा, तुलसी, सुपर पावर, सूर्तिजन्य पदार्थ, बिजुली बत्तीको सामान लगायतका अवैध सामान राजश्व छलेर भित्र्याउने गरेका छन् ।
भारतबाट तस्करी गरि ल्याइएको अवैध भन्सार छलीको सामान चर्को मूल्यमा बाँकेसहित बर्दिया, सुर्खेत, जुम्ला, दाङ काठमाडौं लगायतका पहाडी जिल्लाहरुमा सप्लाई गरिन्छ । जसका कारण राज्य कोषमा जम्मा हुने ठूलो रकम घुमुवा र राजश्व अनुसन्धान कर्मचारीको पोल्टामा परेको छ ।
तस्करहरुले सानो परिमाणमा भरीया मार्फत भन्सार छली गरेर बाँकेका विभिन्न क्षेत्रमा भण्डारण गर्ने र एकमुष्ठ विभिन्न जिल्ला पठाउने गरेको तथ्य अनलाइन खोजखवरले प्राप्त गरेको छ । खासगरी घरबारीटोलमा हसर अलिको घरमा भन्डारण हुने अवैध सामान सुर्खेत दाङ लगायतका विभिन्न जिल्लामा निर्यात हुने गरेको तथ्य सार्बजनिक भएको छ । आफुलाइ पावर भएको मान्छे बताउँदै नेपाल प्रहरी र सशस्त्रलाई धम्काउँदै तस्करी गराउँदै आएको स्रोतले बताउँछ । महिलाहरुलाई प्रयोग गरेर केरिङ मार्फत इ–रिक्सा मोटरसाइकलमा रातिको समयमा भारतबाट तस्करी गराउँदै आएको तथ फेला परेको छ ।
कोहलपुर राजश्व अनुसन्धान र प्रहरी प्रशासनलाई समेत महिनावारी रकम बुझाउने गरेका छन । तस्करले केन्द्रको नेता देखि मन्त्री सम्मलाई समेत चिन्ने र एसपीदेखि डिआइजीसंग उठबस रहेको बताउँदै ती तस्करले भन्सार छली अबैध धन्दा मच्चाउने गरेको स्रोतले बताउँछ ।
नक्कली बिल र अनुसन्धानलाई प्रभावित पारी विभिन्नमा तस्करीको सामान भित्र्याउने गरेको छ। नेपाल प्रहरीका प्रदेश घुमुवाको समेत मिलोमतो रहेको जिल्ला प्रहरी कार्यालयका प्रहरी स्रोतले बताउँछ ।
डिआजीको आशिर्वादका कारण जिल्ला नेतृत्वले ती घुमुवाहरुलाई छुनै सक्दैन । उनीहरुले तस्करहरुबाट महिनावारी उठाउने र हाकिमहरुलाई बुझाउने गरेको स्रोत बताउँछ ।
राती नेपाल प्रहरीको गस्ती र चोकचोकमा प्रहरीको ड्युटी हुँदाहुँदै तस्करी भैरहेको प्रतिस्थानीय चकित भएका छन । स्थानीय भन्छन् आफ्नो जिम्मेवारी बिर्सेर प्रहरी आफैले यसरी तस्करी गराउँछ भने हाम्रो शान्ति सुरुक्षा कसरी गर्छ ?
Discussion about this post