बाँके असोज २२ गते ।
जमुनाह प्रहरीले ठुलो परिमाणको प्रतिबन्धित लागुऔषध ब्राउन सुगरसहित तीनजनालाई पक्राउ गरेको छ ।
प्रहरीका अनुसार शनिबार नेपालगन्ज उपमहानगरपालिका वडा नम्बर १५ जमुनाहनाकाबाट जयसपुर बस्ने २४ वर्षीय मेराज अन्सारीलाई लागूऔषध ब्राउन सुगरसहित पक्राउ गरेको हो ।
जमुनाहस्थित प्रहरी चेक पोस्टमा ईलाका प्रहरी कार्यालय जमुनाह र लागु औषध नियन्त्रण ब्यूरो नेपालगंजबाट खटिएको संयुक्त प्रहरी टोलीले अन्सारीलाई चेकजाँच गर्ने क्रममा ५० ग्राम लागू औषध ब्राउन सुगरसहित पक्राउ गरेको जमुनाह प्रहरीका इन्चार्ज माधव रिजालले जानकारी दिनुभयो ।
रुपैडियाबाट नेपालगन्जतर्फ आउँदै गरेको युपि ४० के २६८० नम्बर प्लेटको मोटरसाईकलमा सवार अन्सारीले लगाएको हाफ पाईन्टको खल्तिमा लुकाएर राखेको अवस्थामा ब्राउनसुगर बरामद भएको प्रहरी इन्चार्ज रिजालले बताउनुभयो ।
ब्राउन सुगर सहित थप दुई जना पक्राउ
त्यसै क्रममा जमुनाह प्रहरीले ब्राउन सुगरसहित थप दुई जनालाई पक्राउ गरेको छ ।
जुम्ला तातोपानी गाउँपालिका वडा नम्बर ५ का २४ वर्षीय किसन नेपाली र जुम्लाकै चन्दननाथ नगरपालिका वडा नम्बर २ बस्ने २१ वर्षीय अरुण भण्डारीलाई ११ ग्राम ब्राउन सुगरसहित पक्राउ गरेको प्रहरीले जनाएको छ ।
जमुनाह प्रहरीको जिम्मेवारी सम्हालेपछि रिजालले लागु औषधविरुद्ध आक्रामकरुपमा उत्रिनु भएको छ । उहाँले नाकाबाट हुने लागु औषधको कारोवार र प्रयोगलाई नियन्त्रण गर्न रिजालले चेकजाँचलाई कडाइ गर्नुभएको छ।
पक्राउ परेका तिनैजना माथी थप अनुसन्धान भइरहेको पनि प्रहरीले जनाएको छ ।
Discussion about this post