बाँके असाज २६ गते ।
अस्वाभाविक वर्षाले पश्चिम तराईमा पाकेर भित्र्याउने बेलाको धान वालीमा सबै भन्दा बढी क्षति पु¥याएको छ । गएको वर्षपनि यस्तै अस्वभाविक वर्षाले धानवालीमा ठूलो नोक्सानी पु¥याएको थियो ।
अघिल्लो वर्षको क्षतीपूर्ति नपाउँदै यो पटक पनि पाकेर काटेको धान भित्र्याउन नपाउँदै खेतमै डुबेको छ । बाँकेको बोगटिया गाउँका सुभाष वर्माले काटेर भित्र्याउने तयारी अवस्थामा राखिएको धान अविरल वर्षाले डुवाइदिएको छ । उहाँले हिलाम्मे खेतमा थ्रेसर लगेर धान झार्ने प्रयास गर्नुभएको थियो । तर वर्षा नरोकिएकाले त्यो सम्भव भएन ।
हिरमिनियाका गु्लाव हुसेनका आँखा तीन दिन देखि ओभाएका छैनन । तयारी अवस्थामा रहेको धानखेती चुर्लुम्म डुवेपछि १३ जनाको परिवार कसरी पाल्ने भन्नेमा उहाँको चिन्ता छ । त्यस्तै पीडा सञ्जय वर्माको पनि छ । पाक्नै लागेको धानवाली बर्षाले सखाप त बनायो नै एक हप्ता अघि छरेको तोरी खेती पनि चौपट्ट भएको छ ।
बाँकेका अधिकांश किसानले असारमा रोपेको धान काटेर खेतमा राखेका थिए । तर लगातारको बर्षाका कारण धानवाली नष्ट भएको छ । गतवर्ष पनि कार्तिकमा परेको वेमौसमी वर्षाले बाँके, दाङ, बर्दिया, कैलाली, कञ्चनपुरसम्मकै पाकेर तयारी अवस्थामा रहेको हजारौ किसानको धान नष्ट भएको थियो । गएको वर्षको क्षतीपूर्ति नपाउँदै यो पटक पनि धानवालीमा ठूलो नोक्सानी पुगेको हो ।
गतवर्ष धानखेतीमा भएको क्षतीका कारण उत्पादन समेत कम भएको थियो । यो वर्षपनि उत्पादन घट्ने र मूल्य आकासिने सम्भावना बढेको छ ।
Discussion about this post