बाँके कात्तिक ५ गते ।
प्रत्येक वर्ष कार्तिक कृष्ण त्रयोदशीदेखि सुरु हुने नेपालीको दोस्रो ठूलो चाड यमपञ्चक अर्थात् तिहार आजदेखि सुरू भएको छ। हरेक वर्ष कार्तिक कृष्ण त्रयोदशीका दिन मनाइने धनतेरस पर्व आज मनाइएको छ ।
यो दिनलाई कुबेरको दिनका रूपमा पनि मानिन्छ । आजको दिन धन सम्पन्नताका लागि कुवेरको पूजा गर्ने गरिएको छ । यस दिन मानिसले मूल्यवान धातुका साथमा नयाँ भाँडाकुडा र गरगहना किन्ने गर्छन् ।
यसैबीच तिहार सुरु भएसँगै नेपालगन्जमा चहलपहल बढेको छ । झिलिमिली बत्ती र फुलको पर्वका रुपमा रहेको तिहारमा नेपालगन्ज झिलिमिली बनेको छ ।
त्रिभुवन चोकदेखि त्रिवेणीमोडसम्म माटाका पाला र दियो तथा मिठाइ र फुलमालाका पसल थापिएका छन् । मुख्य बजार चोकमा भाडामा पसलहरु टेन्टै तानेर राखिएको छ ।
बजार क्षेत्रमा साँझ तिर पटकाका आवाजहरु गुञ्जीन थालेका छन् । तिहार पर्व दशैंपछिको सबैभन्दा ठूलो पर्वका रुपमा हिन्दु धर्मावलम्वीहरुले मनाउने गर्छन् ।
यो पर्वमा आफ्नो घर आगन वत्तीले झकिझकाउने पार्ने चलन छ । बजारमा झिलिमिली वत्ती किनमेल गर्नेको भीड लागेको छ ।
Discussion about this post