सरला सुबेदी
बाँके कार्तिक २० गते ।
नेकपा एमाले र राप्रपाको संयुक्त वडा भेला तथा घरदैलो अभियान राप्तिसोनारी गाउँपालिका वाड नम्बर ६ र ७ मा सम्पन्न भएको छ ।
बाँके जिल्ला क्षेत्र नम्बर १ का प्रतिनिधि सभा सदस्य पदका उम्मेदवार सुर्य ढकालले वडामा गरिएका विभिन्न भेलालाई सम्बोधन गर्दै देश र जनताको हितमा रहि काम गर्ने पार्टीलाई भोट दिनु पर्छ जुन एक मात्र पार्टी नेकपा एमाले हो ।
जब– जब नेकपा एमाले सरकारमा पुगेको छ तब–तब उस्ले ऐतिहासिक काम गरेको स्मरण गराउनु भयो। ढकालले एमाले सरकारमा हुँदा जेष्ठ नागरिक, एकल महिलाका हितका लागि सामाजिक सुरक्षा भत्ता व्यवस्थाको सुरुवात गरेर एतिहासिक काम गरेको बताउनु भयो ।
उहाँले राप्तिसोनरी गाउँपालिका प्राकृतिक सुन्दरताले भरिएको पर्यटन बिकासको सम्भावना बोकेको क्षेत्र भएको हुँदा यस ठाउँको बिकासको लागि धेरै काम गर्न बाँकी रहेको बताउनु भयो। उहाँले राप्तिसोनारीलाई पर्यटकिय क्षेत्रको रुपमा बिकास गरि हजारौ पर्यटक भित्राउने आफ्नो सपना रहेको र त्यो सपना पूरा गर्नको लागि स्थानियको नै साथ चाहिने बताउनु भएको छ।
नेकपा एमालेले चाहेको छ आउने दिनमा मंसिर चार गतेको चुनावमा बहुमतको सरकार बनाउने ,देशमा उन्नती, प्रगति र सुखि समृद्धि साथै हरेक जनताजनताका अनुहारमा मुस्कान दिलाउन चाहेको छ । आउने निर्वाचनमा नेकपा एमाले बिजयी हुनुपर्छ । नेकपा एमाले हार्नु भनेको गरिब किसान मजदुर, शोषण पिडित महिला हार्नु हो ।
राष्ट्र, राष्ट्रियता, राष्ट्रिय अखण्डता तथा राष्ट्रिय स्वाभिमानका निम्ति नेकपा एमालेलाई आफ्नो अमूल्य मत दिएर जिताउन तथा मतको सहि सदुपयोग गर्न ढकालले आग्रह पनि गर्नु भयो ।
Discussion about this post