बाँके कात्तिक २१ गते ।
जसपाका नेता तथा बाँके क्षेत्र नं.२ का प्रतिनिधिसभा उम्मेदवार मोहम्मद इश्तियाक राईको पहलमा नेपालगन्जमा एकैसाथ २२ वटा सडक र नाली निर्माण सम्पन्न भएको छ ।
राई मन्त्री हुँदा शिलान्यास गरिका योजनाहरु निर्माण सम्पन्न भएका हुन् । नेपालगन्ज ४ मा देवकोटा मार्ग ख सडक तथा नाली निर्माण, वडा नं.१२ आनन्दमार्गमा सडक तथा नाली निर्माण भएको छ ।
बाईपासरोडबाट उत्तर लग्दहवा गाउँ जाने सडक तथा नाली निर्माण, प्रहरी तालिम केन्द्र पूर्व कल्भर्टदेखि बसुदेवपुर चोक सिक्टा नहर हुँदै कण्ठपुरसम्म सडक र नाली निर्माण भएको छ ।
सुर्खेतरोडदेखि पूर्व बुद्ध चोकदेखि कण्ठीपुरसम्म सडक निर्माण, एअरपोर्ट–आर्मी ब्यारेक–कण्ठीपुर सडक तथा नाली निर्माण, खजुरारोडदेखि दक्षिण इन्द्रपुर–दोन्द्रासम्म सडक तथा नाली निर्माण, वडा प्रहरी कार्यालयदेखि हुलाकी सडकसम्म सडक तथा नाली निर्माणको काम सम्पन्न भएको छ ।
यस्तै प्रभात स्कुलको पूर्व दक्षिणदेखि सामुदायिक विकास केन्द्र हुँदै परसपुरसम्म सडक तथा नाली निर्माण, फुलटेक्रा कान्जीहाउसदेखि पावरहाउस रोडसम्म सडक तथा नाली निर्माण, न्यूरोड दुवैतर्फ सडक निर्माण, पासाङ ल्यामु रोड सडक निर्माण, सुर्खेतरोडदेखि बेलासपुर हुँदै खजुरारोडसम्म सडक तथा नाली निर्माण, विर्ताबजारदेखि पूर्वतर्फ श्रम कार्यालय हुँदै लग्दहवा जोड्ने सडक निर्माण, प्रिपहवा हेल्थपोष्टदेखि महेन्द्रनगरसम्म सडक निर्माण, एअरपोर्टस्थित आयल निगम रोडदेखि डुडुवा खोलाको पुल हुँदै मनिकापुरसम्म सडक निर्माण, कृषि विकास कार्यालयदेखि पूर्व पिरल्लीपुरुवासम्म सडक, सुर्खेतरोड देखि भोकेसनल ट्रेनिङ हुँदै क्यानलसम्म सडक निर्माण सम्पन्न भएको छ ।
यस्तै रंगशाला रोडदेखि दक्षिण रामबबाग र पश्चिम रामलिला मैदानसम्म सडक तथा नाली निर्माणको काम पनि राईको पहलमा सम्भव भएको हो ।
वाटरपार्क तलाउको वरिपरी रिटेनिङवाल तथा फुटपाथ निर्माण, राँझा विमानस्थलको पार्किङ एरिया र रजवे निर्माणको पहल, राँझा विमास्थललाई क्षेत्रीय विमानस्थलकारुपमा विस्तार गर्न ठेक्का प्रक्रिया अगाडि बढाइएको छ ।
यस्तै नेपालगन्ज उपमहानगरपालिका १०, १४, १६ र १७ नम्वर वडामा पनि बाटो निर्माण भएको छ ।
Discussion about this post