बाँके कात्तिक २२ गते ।
कार्तिक पुर्णिमाको अवसरमा बाँकेका चार ठाउँमा मेला लाग्ने भएको छ । मेला तीन दिनसम्म लाग्ने छ ।
बाँके जिल्लाको डुडुवा गाउँपालिकाको सिधानियाघाटमा पुर्णिमा स्नान मेला, होलिया मेला तथा जानकी गाउँपालिकाको जोगागाउँ एवं गुरुवागाउँमा मेला लाग्ने भएको हो ।
उक्त क्षेत्रहरुमा अवधी समाजको बहुल्यता रहेको तथा अवधी समाजको इतिहास, सँस्कृति एवं परम्परा झल्किने प्रकारको मेला लाग्ने गर्दछ । अवधी समाजको धरोहरको रुपमा मानिने साँस्कृति मेला बाँके जिल्लाको चार स्थानहरुमा कार्तिक महिनाको पुर्णिमा स्नान मेला बिहानै उठी स्नानघाटमा गइ स्नान गरी मनाउने परम्परा सँगै आजबाट चतुर्मास समापन पनि हुने विश्वास रहेको पाईन्छ ।
चतुर्मासमा शुभकार्यहरु गर्नाले कुनै फलिफाप नहुने विश्वासका साथै यो समय भगवान विष्णु निद्रमा हुने भएकोले शुभ तथा मंगल कार्यहरु रोकिएको मानिन्छ । चतुर्मासको समापन कार्तिक पुर्णिमा स्नान पछि हुने गर्दछ ।
यसै सँगै शुभकार्यको नयाँ शुरुवात गर्न मिल्ने, आजबाट चिसो शुरु हुने तथा हाम्रो सनातन हिन्दू समाजमा विवाह, व्रतबन्धका साइतहरु अनि ठूला पुजापाठहरुको फेरी शुभकार्यको थलानी गर्न सकिन्छ भन्ने हाम्रो सनातन हिन्दू समाजको विश्वास रहेको छ । यसको साथै डुडुवा गाउँपालिकामा दोश्रो मेला हुने होलियागाउँ मेला जहाँ लगभग पाँच दिन सम्म अवधि समाजिक साँस्कृतिक मेला हुने गरेको छ ।
जोगागाउँमा अवधी समाजको लागि एक विशेष धार्मिक स्थल रहेको पाइन्छ । अवधी समाजका मानिसहरु विवाह, व्रतबन्ध, शुभकार्यहरु, इत्यादी साँस्कृतिक कार्यक्रम उक्त स्थानमा प्रचिन भगवान शिव को मन्दिर सँगै रहेको पुरानो तलावमा गर्ने चलन रहेको पाईन्छ । प्रत्येक वर्ष कार्तिक पुर्णिमा को स्नान गरी दोस्रो ठुलो मेला जोगागाउँको शिव मन्दिरमा हुने गर्दछ ।
अहिले उक्त मन्दिरको अवस्था जिर्ण भैसकेको छ । मन्दिरको विषयलाई लिएर कुनै पनि सरोकारवाला ध्यान तान्न सकेको छैन । यसै गरी गुरुवागाउँ को शिव मन्दिरमा पनि तीन दिवसिय साँस्कृति मेला हुने गर्दछ र त्यहाँ रहेको तलाऊमा विषेश पुजाअजा गरी मेला मनाउने चलन रहेको छ ।
Discussion about this post