बाँके मंसिर २५ गते ।
पत्रकारमाथी भैरहेको धम्की र दुर्ववहारप्रती नेपाल पत्रकार महासंघ बाँकेले आपत्ति जनाएको छ ।
नेपाल पत्रकार महासंघ बाँके शाखाका सह–सचिव एवं राप्तीसोनारी खबर डटकम अनलाइनका सम्पादक हेमन्त चौधरीलाई सिक्टा सब–डिभिजन वन कार्यालयका प्रमुख सुनिल आचार्यले सार्वजनिकरुपमा दुर्व्यवहार र भौतिक आक्रमणको धम्की दिएको घटनाप्रति नेपाल पत्रकार महासंघ बाँके शाखाको गम्भीर ध्यानार्कषण भएको जनाएको छ ।
२०७९ मंसिर २४ गते शनिवार राप्तीसोनारी गाउँपालिका वडा नं. ४ स्थित जानकी सामुदायिक वन उपभोक्ता समितिको भवन परिसरमा आयोजित साधारणसभामा उपस्थित सहायक वन अधिकृत आचार्यले समाचारको बिषय उठाएर ठिक गरिदिने धम्की दिएको पीडित पत्रकार चौधरीले महासंघ समक्ष जानकारी दिनुभएको छ ।
समाचारको बिषयमा चित्त नबुझे वा कुनै फरक मत रहे कानूनी उपचारमा जाने बिकल्प हुँदा हुँदै जिम्मेवार सरकारी अधिकारीबाट पत्रकार चौधरी माथि भएको दुर्व्यवहार एवं भौतिक आक्रमणको धम्कीको नेपाल पत्रकार महासंघ बाँके शाखा निन्दा एवं भर्त्सना गर्दछ सचीव कमल डाँगीद्वारा जारी बिज्ञप्तिमा भनिएको छ– उक्त घटनामा संलग्न सहायक वन अधिकृत आचार्यलाई कानुनी कारवाही गर्न महासंघ बाँके सम्बन्धित निकायसंग जोडदार माग गर्दै निर्वाध र भयरहित वातावरणमा समाचार संकलन गर्न पाउने संबैधानिक अधिकारको सुनिश्चिता गर्न÷गराउन सम्बन्धित निकायसंग जोडदार माग गर्दछौं ।
झयसैबीच मंसिर २४ गते शनिवार नेपालगन्जमा सम्पन्न ’नेपालगन्ज म्याराथन’ को समाचार संकलन गर्न गएका पत्रकारलाई दुर्व्यवहार भएको घटनाप्रति पनिमहासंघ बाँकेको गम्भी ध्यानार्कषण भएको जनाएको छ । उक्त घटनाका विषयलाई लिएर महासंघको सहजिकरणमा आईतवार सम्बद्ध पक्षबीच छलफल गरिएको छ ।
छलफलमा आयोजक क्रियटिभ ह्याण्ड्सका अध्यक्ष टिएस ठकुरीले पत्रकार माथि दुर्व्यवहार गर्ने नियत नभई परिस्थितीजन्य घटना भएको’ भन्दै घटनाप्रति आयोजकका तर्फबाट आत्मआलोचना सहित क्षमायाचना गर्नुभयो । नेपाल पत्रकार महासंघ बाँकेले आगामी दिनमा त्यस्ता घटनाहरु पुनरावृत्ति नहुने वातावरण निर्माण गर्न सम्बद्ध सबै पक्षसंग माग गरेको छ ।
Discussion about this post