सरला सुबेदी
बाँके पुस २० गते ।
कोहलपुर नगरपालिका वडा नम्बर १० मा बनेको बिराट खानेपानी तथा सरसफाइ उपभोक्ता सस्था निर्माण सम्पन्न भएको दशक बित्दा पनि पुर्ण रुपमा सन्चालनमा आउन सकेको छैन ।
बिराट खानेपानी आयोजना सम्पन्न भैसकेपछि लुम्बिनी प्रदेशका भौतिक तथा पुर्वाधार बिकास मन्त्री बैजनाथ थारुले २०७७ साल माघ महिनामा एक कार्यक्रमका बिच खानेपानी सस्थाको उद्घाटन गरेपनी धाराबाट कालो फोहोर पानी आएको हुदा पानी संचालन पुर्ण रुपमा हुन नसकेको उक्त बिराट खानेपानी तथा सरसफाइ उपभोक्ता समितिका सचिब नन्दलाल पौडेलले बताएका छंन ।
उनले खानेपानी डिभिजन कार्यलय बाँकेका अनुसार आजसम्म ९ करोड लागत लागिसकेको र अब लगभग २ करोड भए योजनाको सम्पुर्ण काम सम्पन्न हुने बताउदै खानेपानीको आन्तरिक पुर्वाधार सबै तयार भैइसकेको र करिब करिब ३०० मिटर पाइप बिच्चाइएको ३२ वटा च्याम्बर निर्माण गरिएको बताएका छन्
कोहलपुर नगरपालिका वडा नम्बर १० मा रहेको बिराट खानेपानी तथा सरसफाइ उपभोक्ता सस्थाले वडा नम्बर १०,६ र ८ का ५ हजार जनालाई शुद्ध पिउने पानी खुवाउने लक्ष्य रहेको बताउदै आजसम्म ६ सय जनाले सस्थाको सदस्यता लिइसकेको भएता पनि ३सय घरले धारा जडान गरेको बताए। उनले उक्त खानेपानी योजना अन्तर्गत दुई वडा डिप बोर्डिङ्ग गाडिएको तर एउटा बाट पुर्ण रुपमा धमिलो पानी आएको हुदा सम्बन्धित निकायमा पानी शुद्धीकरण गर्ने उपकरणको माग गरिएको बताए।आजसम्म परिक्षणको लागि मात्र निशुल्क पानी छोडिएको भएता पनि पानी शुद्धीकरण गर्ने फिल्डर जडान हुने बित्तिकै पानी पुर्ण रुपमा छोडिने बताए।
यस्तै घर नजिकै खानेपानीको यतिका ठुलो ट्यान्की निर्माण छ तर आफुहरु भन्ने बत्ती मुनिको अँध्यारो जस्तै भएको गुनासो व्यक्त गरेका छन् । खानेपानीको धारा जडान गरेको तीन बर्ष भैईसक्यो खै आजसम्म के कारणले हो आफुहरुले शुद्द पिउने पानी खान नपाएको दुखेसो पोखेका छ।
हिउँदमा खडेरी लाग्ने धाराको पानी सुक्ने हुँदा पिउने पानीको अभाव हुन्छ त्यसैले संम्बन्धित निकायले हाम्रो समस्या बुझिदियोस खानेपानी चाडै सन्चालनमा ल्यावोस भन्ने माग गरेका छन् ।
Discussion about this post