कैलाली असार १२ गते ।
कैलाली कारागार प्रशासनकै लापरबाहीले लागुओषध प्रयोग र झैझगडाको अखडा बनेको छ। कारागारभित्र नेतृत्व हत्याउन कैदीबन्दी बिच शक्ति संघर्ष हुने गरेको छ।
हरेक वर्ष साउनमा हुने आन्तरिक नेतृत्व छनोटमा हाबी हुन विभिन्न समूह बिच लडाई झगडा हुने गरेको छ। कारागार भित्र कैदीबन्दीहरूको आन्तरिक व्यवस्थापन गर्न चौकीदार, मुल नाइके, शिक्षक नाइके लगायतको जिम्मेवारी बाँडफाँड हुने गर्छ।
साउनमा नेतृत्वमा आउन र कारागार भित्र अबैध कामलाई निरन्तरता दिन बन्दीहरू बिच संघर्ष हुने गरेको दाबी गरिएको छ।कैलाली जिल्ला कारागारका वर्तमान जेलर पदमप्रसाद तिमिल्सेना गत बैशाख १० गते मात्रै कार्यालयमा हाजिर भएका हुन्।
त्योभन्दा अगाडि नायव सुब्वा लालाबहादुर बोगटी निमित्त जेलर थिए। बोगटीलाई २०७९ फागुन १ गते निमित्त जेलरको जिम्मेवारी दिइएको हो।
Discussion about this post