देउखुरी, असोज २६ गते । दाङको लमहीमा सरायँ नाचा तथा खड्ग जात्रा निकालिएको छ । परम्परागत रुपमा प्रत्यक बर्ष मनाउने गरिएको सरायँ नाच तथा खड्ग जात्रा यस वर्षपनि दाङको लमहीमा निकालिएको हो । पन्ध्रौं कोजाग्रत पूर्णिमाको दिन दाङ्ग सहित देशका विभिन्न स्थानमा सरायँ नाच तथा खड्ग जात्रा निकालिएको हो । लमहीमा कालिका भगवती मन्दिर स्थापना भएपछी २०६८ सालदेखी लमहीमा पनि सरायँ नाच निकाल्न शुरु गरिएको हो ।
कालिका मन्दिर व्यवस्थापन समिति लमहीका अध्यक्ष हेमन्त प्रसाद पाण्डेका अनुसार मन्दिर स्थापना भएदेखी लमहीमा पनि सरायँ नाच्न शुरु गरिएको हो । ८ बर्षदेखि निरन्तर सरायँ नाच तथा खड्ग जात्रा निकाल्दै अाएको पाण्डेले जाजकारी दिए ।
लमही नगरपालिका वडा नम्बर ५ रातो डाँडा स्थित कालिका भगवती मन्दिरमा पुजापाठ गरी हातमा आलम, खुडा, फुलपाती लिई बजार परिक्रमा गर्दै सरायँ नाच तथा खड्ग जात्रा निकालिएको छ ।
सरायँ नाचा तथा खड्ग जात्रा पन्ध्रौं दिन कोजाग्रत पूर्णिमाको दिन निकालिने प्रचलन रहि अाएको छ । सबैभन्दा बढि अर्घाखाँची र गुल्मि जिल्लामा सरायँ नाच र खड्ग जात्रा निकालिने गरेको जानकार बताउँछन् । शक्ति प्रदशर्न गर्ने पर्बको रुपमा कोजाग्रत पुर्णिमालाई लिने गरिन्छ ।
सरायँ नाच नेपालका केहि पश्चिमि जिल्लामा मात्र नाच्ने गरिन्छ । सरायँ नाच, खड्ग जात्रा र शक्तिपिठमा हेर्नकै लागि गाउँ घरबाट बसाईसराइ सरेकाहरु समेत केहि दिनको लागि आफ्नो घर फर्कने गरेको कालिका मन्दिर व्यवस्थापन समिति लमहीका कोषाध्यक्ष विष्णु गैरेले बताए । सरायँ नाचको प्रचारप्रसार गर्न सकेमा धार्मिक शक्तिपिठको थप विकासमा सहयोग पुग्ने र हाम्रो पहिचान बोकेको सँस्कृतिको प्रचार हुने गैरेले बताए ।
पूर्खाहरूको चलन चल्ती चल्तीलाई निरन्तर दिनका लागि सरायँ नाच निकालिएको कोषध्यक्ष गैरेले जानकारी दिए । सरायँ नाच तथा खड्ग जात्रा दाङ सहित देउखुरीको लमही, पिपरि, सिसहनिया, भालुवाङ्ग लगायतका स्थानमा निकालिएको छ । यस्तै अाजकै दिन मन्दिरहरुमा बोका बलि दिने प्रचलन समेत रहि अाएको छ ।।
Discussion about this post