बाँके पुस १२ गते ।
संघीयताको कार्यान्वयन सँगै स्थानिय तहको कामहरुको प्रभाव देखिन थालेको छ । शिक्षा, स्वास्थ्य, भौतिक पूर्वाधार लगायतको क्षेत्रमा पालिकाहरुले गरेको कामको सकारात्मक प्रभाव देखिन थालेको हो ।
यसैमध्येको एक हो बाँकेको जानकी गाउँपालिका । पिछडिएको पालिकाका रुपमा चिनिने जानकी गाउँपालिकामा पछिल्लो समय शिक्षा, स्वास्थ्य, भौतिक पूर्वाधार र विकास निर्माणका काममा सकारात्मक प्रभाव देखिन थालेको स्थानीयबासीहरुले महसुस गर्न थालेका छन् । ‘कुनै बेला हिड्नलाई समेत बाटो थिइन् स्थानीय–‘लिलावती हरिजनले भनिन्–‘स्थानीय सरकार बनेपछि बाटोघाटो राम्रो भएको छ ।
हिडडुल गर्न धेरै सहज भएको छ ।’ त्यस्तै अनुभव छ जाहिर अलि शेषलाई पनि । संघीयताको कार्यान्वयनसँगै विकास निर्माणका कामले आफ्नो टोल तथा बस्तीमा गति लिएको उनको भनाइ छ । उनले जनप्रतिनिधिसँगको सहज पहुँच र जनप्रतिनिधिहरुको समेत दायित्व भएका कारण छिटोछरितो विकास निर्माणका कामको प्रभावकारीता देखिएको बताए ।
‘संघीयता नहुँदा एउटा बाटो बनाउन पनि जिल्ला विकास समिति पुग्नु पथ्र्यो, त्यहाँ हाम्रो पहुँच पनि थिएन उनले भने–‘अहिले आफ्नै टोल बस्तीका नेता जनप्रतिनिधि छन् । चिनेका छन् । हरेक कुराहरु भन्न सहज पनि छ । समस्या भन्यो भने सम्वोधन भइहाल्छ ।’ जनप्रतिनिधिहरुसँगको सहज पहुँचका कारण पनि स्थानीयबासीहरुले विकास निर्माणका कामले गति लिएको अनुभव सुनाउँछन् । खासगरी भौतिक पूर्वाधार र सडक निर्माणमा जानकी गाउँपालिका अव्वल बन्दै गएको छ ।
Discussion about this post