बाँके पुस १६ गते ।
नेपालगंजमा भएको सडक दुर्घटनामा दुई जनाको मृत्यु भएको छ । रातको १२ः३० बजेको समयमा कोहलपुरबाट नेपालगंज तर्फ आउंदै गरेको सु. प. प्र. ०१–००१– च ३४६४ नम्बरको स्करपियोले ठक्कर दिंदा दुई जनाको मृत्यु भएको जिल्ला ट्राफिक प्रहरी कार्यालयका प्रमुख प्रहरी निरीक्षक गोपीकृष्ण सुबेदीले जानकारी दिए ।
स्करपियोको ठक्करबाट सडक छेउमा उभिएका नेपालगंज उप–महानगरपालिका १३ की २४ वर्षीया आस्था शाह र राजापुर नगरपालिका १०, बर्दियाका २३ वर्षीय माया राम चौधरीको घटना स्थलमा मृत्यु भएको उनले बताए। दुर्घटनामा नेपालगंज १३ की सहाना शाह घाइते भएकी छिन ।
तिब्र गतिमा रहेको गाडीले सडक छेउमा उभिएकालाई ठक्कर दिदै पर्खालमा ठोकिएको उनले जानकारी दिए ।
चौधरी र शाह होटेल सिद्धार्थमा आयोजना भएको अंग्रेजी नयाँ वर्ष मनाउन गएको बाँके प्रहरीले जनाएको छ । पर्खालमा ठोकिएपछि गाडी क्षत बिक्षत भएको छ ।
Discussion about this post