बाँके पुस १६ गते ।
गोरखा युनाइटेड स्कुलमा किट जिन बैंक स्थापना गरिएको छ । आज कोहलपुर नगरपालिकाका मेयर पूर्णप्रसाद आचार्यले उक्त बैंकको रिबन काटेर उद्घाटन गर्नुभएको हो। सो अवसरमा बोल्दै मेयर आचार्यले नगरपालिका आर्थिक र भौतिक रूपमा नजोडिए पनि नैतिकरूपमा जोडिएको बताउनुभयो । गोरखा युनाइटेड स्कुलमा स्नातक तहमा कृषि प्राविधिक धारको कक्षा सञ्चालन हुने भएकाले पनि किट जिन बैंक अझ बढी सान्दर्भिक रहेको उहाँले बताउनुभयो ।
पछिल्लो समय आधुनिकताका नाममा अरूको नक्कल गर्नाले परम्परागत, सांस्कृतिक, धार्मिक र प्राकृतिक पक्ष कमजोर हुँदै गएको उहाँको भनाइ छ ।
पालिकाहरूका सम्बन्धित विद्यालय, सामुदायिक वनमा मौरी प्रजातिका कीराहरूको संरक्षणको जिन बैंक स्थापना गर्न आफू सकारात्मक रहेको मेयर आचार्यले बताउनुभयो। उहाँले आउने दिनहरूमा स्थानीय रैथाने बालीहरू र जिवजन्तुको संरक्षण गरी अगाडि बढ्ने प्रतिबद्धतासमेत जनाउनु भएको छ ।
यस्तै एक्लो प्रयासले नेपालको पहिलो घरायासी किट जिन बैंक पुरमल घरायसी किट जिन बैंक स्थापना गरिएको सामुदायिक जिन बैंक सञ्जाल नेपाल, बाँकेका अध्यक्ष पुरमल बस्नेतले जानकारी दिनुभयो।
संसारमा मौरी र किटहरू लोप भए भने मानिसहरूको आयु ५ वर्ष नहुने अध्ययनले देखाएको छ । उहाँले भन्नुभयो ‘मौरी जातका किराहरू भेट्दा यसको महत्व नबुझेर हामीले घरमा मौरी आए आगो लगाउने, मार्ने, मह खाने मौरीलाई नास गर्ने गर्छौं ।’ पृथ्वी साझा हो । साना भुसुनादेखि हात्ती गैँडासम्मको एउटै अधिकार हो भन्ने मान्यता भएको उहाँले बताउनुभयो । यसको संरक्षण र प्रवद्र्धनमा एक्लो प्रयासले नभएपछि सामुदायिक जिन बैंकको रूपमा नार्कसगँ जोडिए काम गर्न सुरु गरेपश्चात केही फड्को मारेको उनले जानकारी दिनुभयो ।
यस्तै कोहलपुरकै ग्रिन पिस माबि, बालजोति विद्यालयमा पनि जिन बैंक स्थापना गरिएको वरिष्ठ खोज तथा अनुसन्धानकर्ता वैज्ञानिक मुकुन्द भट्टराईले बताउनुभयो। कठ्यौरी मौरी नेपालमा ०.५ प्रतिशत मात्रै रहेको उहाँले जानकारी दिनुभयो।यसको संरक्षण गर्न सके मौरी प्रजातिका कीराहरूले फलफूल बालिनाली फल्नमा पनि ठूलो योगदान पु¥याउने बताउनुभयो।
मौरी प्रजातिका कीराहरूको संरक्षणका लागि कीरा फिल्जिङ बैंक स्थापना गरिएको सामुदायिक जिन बैंक सञ्जाल नेपाल बाँकेका सविच अर्थात गाभार भ्यालीका सञ्चालक कृष्ण चौधरीले बताउनुभयो । कीराहरूको बासस्थानका आफूले लागि खोप घर, काठे घार र विभिन्न साइजमा विभिन्न प्रकारका घरहरू बनाएको जानकारी दिनुभयो ।
नयाँ पुस्तालाई मौरी संरक्षणका लागि आकर्षित गर्ने र यसको व्यावसायिक प्रवद्र्धनमा महत्वपूर्ण भूमिका निर्वाह गर्ने उद्देश्यले बैंकको स्थापना गरिएको उहाँको भनाइ छ । विभिन्न विषयगत विद्यार्थीहरूका लागि पनि यो एउटा सिकाइ सेन्टरको रूपमा पनि स्थापना हुन्छ भन्ने विश्वास लिएको बताउनुभयो ।
विद्यार्थीहरूले प्रत्यक्षरूपमा यसको अध्ययन अवलोकन गर्न सक्ने बताउदै सो जिन बैंक विद्यार्थीहरूलाई पठनपाठनमा टेवा पु¥यउने उद्देश्यले स्थापना गरिएको संस्थापक अध्यक्ष केशरबहादुर आलेले बताउनुभयो। ‘यो एउटा सुरुवात मात्रै हो आगामी दिनमा यसलाई व्यवस्थापन गर्दै लैजाने जानकारी दिनुभएको छ।’
Discussion about this post