जाजरकोट कार्तिक ७ गते । जाजरकोटको कुशे गाउँपालिकामा विप्लव नेकपाका सयौं कार्यकर्ता सत्ता पक्ष नेकपामा प्रवेश गरेका छन् । सत्तापक्ष नेकपाको गाउँपालिका स्तरीय पार्टी कमिटीको सपथग्रहण तथा पहिलो बैठकमा विप्लव नेतृत्व रहेको नेकपाका सयौं कार्यकर्ता सत्तापक्ष नेकपामा प्रवेश गरेका हुन् ।
जिल्ला कमिटीको निर्णय अनुसार पार्टीले आयोजना गरेको गाउँपालिका स्तरीय पार्टी कमिटीको सपथग्रहण तथा बैठकमा विप्लव नेकपाका सयौं कार्यकर्ताले आफ्नो पार्टीमा प्रवेश गरेको सत्तापक्ष नेकपाका जिल्ला कमिटी बैकल्पिक सचिबालय सदस्य तथा कुशे गाउँपालिकाका ईन्चार्ज तप्तबहादुर हमालले टेलिफोन मार्फत जानकारी दिए । गाउँपालिका स्तरीय पार्टी कमिटीको बैठक तथा सपथग्रहण कार्यक्रममा विप्लव नेकपाका हरिचन्द्र जैसी (अनुकुल) को नेतृत्वमा कालीबहादुर सिंह, शिवलाल जैसी, नयाँराम जैसी लगाएतका सयौं कार्यकर्ताले आफ्नो पार्टीमा प्रवेश गरेको ईन्चार्ज हमालले बताए । यस बिषयमा उत्ता विप्लव नेतृत्व रहेको नेकपा, जाजरकोटको आधिकारीक धारणा भने, हालसम्म सार्वजनिक भएको छैन ।
पार्टी केन्द्रिय सदस्य तथा जाजरकोट जिल्लाका सह–ईन्चार्ज रामदिप आचार्य प्रमुख अतिथि र पार्टी जिल्ला सचिब तथा कर्णाली प्रदेश सभा सदस्य करवीर शाही बिशेष अतिथि रहेको उक्त कार्यक्रमले कम्युनिष्ट पार्टीका कार्यकर्ताहरुमा नयाँ उर्जा पैदा गरेको ईन्चार्ज हमालले बताए । मंगलबार कुशे गाउँपालिका–५ बाटुल्यामा आयोजित कार्यक्रमले पूर्व नेकपा एमाले र पूर्व माओवादी केन्द्र बिच भएको पार्टी एकताको भावलाई जनस्तरसम्म पुर्याउन सफल भएको हमालको भनाई रहेको छ ।
देशमा दुई त्याई बहुमतको कम्युनिष्ट सरकार चलाउन सफल कम्युनिष्ट पार्टीले हालसम्म गाउँस्तरका जनता समक्ष पार्टी एकताको सन्देश पुर्याउन नसकेको भएतापनि बाटुल्यामा सम्पन्न कार्यक्रमले जनस्तरसम्म नयाँ बिस्वास पैदा गर्न सफल भएको ईन्चार्ज हमालको दावी रहेको छ ।
Discussion about this post