बाँके फागुन २३ गते ।
सहकारी ऐन, २०७४, सहकारी नियमावली २०७५ र कोहलपुर सहकारी ऐन, २०७४ साथै नियामक निकायबाट जारी भएका निर्देशिका, मापदण्ड र कार्यविधिको अधिनमा रही सहकारी संस्थालाई कार्य सञ्चालनका लागि विनियम तथा आन्तरिक कार्यविधि बनाई सोहीअनुसार संस्था सञ्चालन गर्न कोहलपुर नगरपालिकाले निर्देशन दिएको छ ।
कोहलपुर नगरपालिकाले सहकारी उपशाखाका अग्निप्रसाद आचार्यद्वारा हस्तारक्षित सूचना प्रकाशित गर्दै निर्देशन दिएको हो । कतिपय सहकारी संस्थाहरुको विनियम तथा अन्य कागजातहरुको अध्ययन गर्दा प्रचलित ऐन, कानुन र नियामक निकायहरुबाट विभिन्न समयमा जारी भएका निर्देशन, मापदण्ड र कार्यविधिअनुसार सञ्चालन नभएकाले यस्तो निर्देशन दिइएको कोहलपुरले जनाएको छ ।
अन्यथा प्रचलित ऐन, कानुन र नियामक निकायहरुबाट विभिन्न समयमा जारी भएका निर्देशन, मापदण्ड र कार्यविधिसँग बाझिएका विनियम तथा अन्तरिक कार्यविधि बाझिएको हदसम्म अमान्य हुने सूचनामा उल्लेख गरिएको छ।
एउटै व्यक्ति एउटै पदमा लगातार दुई कार्यकालभन्दा सञ्चालक समितिमा रहेको, एउटै व्यक्ति एक भन्दा बढी सहकरी संस्थाको संचालक समितिमा रहेको, तोकिएको समयमा लेखा परीक्षण र साधारण सभा नगरेको, बचत तथा ऋणको मुख्य कारोबार गर्ने सहकारी संस्थाको हकमा लेखापरीक्षण प्रतिवेदन पल्स विधि बमोजिमको अवस्था विश्लेषण गर्नु पर्नेमा सो नभएको, कोपोमिस मा अभिलेख प्रविष्ट नगरेको र लेखा परीक्षण प्रतिवेदनमा औँल्याइएको सुझावहरु कार्यान्वयन नगरेको पाइएमा सहकारी ऐनविपरीत हुने सूचनामा भनिएको छ।
Discussion about this post