बाँके चैत २ गते ।
हुण्डी कारोवारमा संलग्न भएको आरोपमा पक्राउ परेकालाई बाँके प्रहरीले सार्वजनिक गरेको छ । विशेष सुचनाको आधारमा जिल्ला प्रहरी कार्यालय बाँकेबाट खटिएको टोलीले हुण्डी कारोवारमा संलग्न आठ जनालाई विभिन्न समयमा पक्राउ गरेको थियो ।
बसपार्क, पुष्पलाल चोक र सानिमा बैंक अगाडीबाट आठ जनालाई अवैध रकमसहित पक्राउ गरेको बाँकेका प्रहरी प्रमुख प्रहरी उपरीक्षक सुभाषचन्द्र बोहराले बताए ।
उनीहरुको साथबाट एक करोड ५६ लाख २८ हजार तीन सय रुपैयाँ बरामद गरेको उनले बताए ।
पक्राउ पर्नेमा नेपालगन्ज उपमहानगरपालिका १६ का ३५ वर्षीय रोहित क्षेत्री, तुलस िउपमहानगरपालिका ९ घर भई नेपालगन्ज उपमहानगरपालिका ४ बस्ने ४३ वर्षीय कृष्णबहादुर विक, भारत बहराइचका ४१ वर्षिय राहुल जैसवाल र नेपालगन्ज उपमहानगरपालिका १६, जयसपुरका ५० वर्षीय सलिम जोलाह रहेको प्रहरीले जनाएको छ ।
त्यसैगरी, नेपालगन्ज उपमहानगरपालिका १६, जयसपुरका २५ वर्षीय आसिफ अन्सारी, राजापुर नगरपालिका १, बर्दियाका २० वर्षीय अनुप थारु, बर्दियाकै पूर्णिमा थारु र नेपालगन्ज उपमहानगरपालिका १६ जयसपुरका ३६ वर्षिय हसिब अहमद जसगढलाई पक्राउ गरि आवश्यक कारवाही अगाडी बढाएको एसपी बोहराले जानकारी दिए ।
Discussion about this post