बाँके चैत १९ गते ।
खजुरामा घाँटीमा गम्भिर चोट लागेको अवस्थामा पति–पत्नी फेला परेका छन् । खजुरा गाउँपालिका ३ वि गाउँमा घाँटीमा गम्भिर चोट लागेको अवस्थामा भेटिएको बाँके प्रहरी प्रवक्ता डिएसपी नारायण डाँगीले जानकारी दिए । पति–पत्नी वीच विवाद हुँदा एक आसमा धारिलो हतियार हानाहान गरेको उनले बताए ।
घाँटीमा गम्भिर चोट लागेको अवस्थामा फेला पर्नेमा २९ वर्षिय महेन्द्र रावत र उनका २७ वर्षिया पत्नी रिता सिंह ठकुरी रहेको प्रहरीले जनाएको छ । घाँटीमा गम्भिर गम्भिर चोट लागेर रगताम्य भएको अवस्थामा प्रहरीले उनीहरुको उद्धार गरेको छ । उनीहरु भित्रबाट कोठाको चुकुल लगाएर धारिला हतियार एकआपसमा हानाहान गरिरहेको खबर पाउने वित्तिकै इलाका प्रहरी कार्यालय धनौलीबाट गएको प्रहरीले उद्धार गरि उपचारका लागि नेपालगन्ज मेडिकल कलेज शिक्षण अस्पताल नेपालगन्जमा ल्याएको डिएसपी डाँगीले जानकारी दिए । ‘ढोका फुटाएर भित्र पस्दा महेन्द्र र रिता रगताम्य भएर भूइँमा लडिरहेका थिए,’ उनले भने ।
उनीहरुको अवस्था गम्भिर रहेको अस्पताल स्रोतले जनाएको छ । घाँटी नै छुटिने गरि भएको घटनाको अनुसन्धान भइरहेको उनले बताए ।
आइतवार विहान नेपालगन्ज उपमहानगरपालिका २१, विर्ताका करिव २२ वर्षीय मोहम्मद अरबी खाँ मृत फेला परेका थिए । घाँटी लगायत शरिरका विभिन्न भागमा चोटको अवस्थामा उनको शव फेला परेको प्रहरीले जनाएको छ ।
Discussion about this post