बाँके वैशाख ६ गते ।
बाँके प्रहरीले भारतबाट अवैध रुपमा नेपालतर्फ ल्याउँदै गरको लाखौं मूल्य बराबरको ब्रोईलर कुखुराको चल्ला बरामद गरेको छ ।
प्रहरीले बुधबार राति भारततिरबाट लम्बु कालिया, नौशाद र नुरुद्दिन तस्करले अवैध रुपमा ल्याउँदै गरेको कुखुराको चल्ला बरामद गरेको छ । डुडुवा गाउँपालिका–६ अहिरापुरुवाबाट ४ हजार ५ सय वटा कुखुराको चल्ला बरामद गरिएको हो ।
इलाका प्रहरी कार्यालय हिरमिनियाबाट खटिएको प्रहरी टोलिले भारतबाट नेपालतर्फ ल्याउँदै गरेको अवस्थामा करिब ४ लाख पचास हजार मूल्य बराबरको भन्सार छलीको कुखुराको चल्ला बरामद गरेको छ ।
भारतको नानपाराबाट नेपालतर्फ ठूलो परिमाणमा कुखुराको चल्ला आउँदै गरेको सूचनाको आधारमा चल्ला ल्याउँदै गरेको अवस्थामा प्रहरीलाई देखेपछि तस्कर कुखुराको चल्ला छाडेर भारततर्फ भागेका थिए ।
बरामद गरिएको कुखुराको चल्लालाई थप कारवाहीका लागि पशु क्वारेन्टाइन कार्यालय नेपालगञ्जमा पठाइएको जिल्ला प्रहरी कार्यालय बाँकेले जनाएको छ ।
Discussion about this post