बाँके साउन १२ गते ।
गुणस्तरीय शिक्षाका लागि बाँकेको राप्तीसोनारीमा कार्यदल गठन गरिएको छ । राप्तीसोनारी गाउँपालिकाका वडा अध्यक्ष, मावि तहका विद्यालयका प्रधान अध्यापक, गाउँपालिका शिक्षा समितीका पदाधिकारी, गाउँपालिका शिक्षक महासंघका पदाधिकारी उपस्थित कार्यक्रमा शिक्षा क्षेत्र योजना निर्माण कार्यदल गठन गरिएको छ ।
राप्तीसोनारी गाउँपालिका शिक्षा शाखा प्रमुख जीवन न्यौपानेको संयोजकत्वमा योजना निर्माण कार्यदल गठन गरिएको हो । कार्यदलमा मदन ओली, गोरख हमाल, प्रेयंका श्रेष्ठ, लक्षमण आचार्य, अम्बिका सिंह, ओम थापा र सुधा चोधरी सदस्य रहेका छन् । कार्यदलले अबको तीन महिना भित्र योजना निर्माण सम्पन्न गर्नुपर्ने कार्यदलका संयोजक न्यौपानेले जानकारी दिए ।
उनले गाउँपालिकाको १० वर्षे रणनीतिक योजना र ५ बर्षे कार्यान्वयन योजनालाई यो कार्यक्रमले सहयोग गर्ने अपेक्षा गरे । नेपाल शिक्षा तथा प्रविधि मन्त्रालय, युरोपियन युनियन र युनिसेफको सहयोगमा कालिका स्वावलम्बन सामाजिक केन्द्रद्वारा बाँकेको राप्ती सोनारी गाउँपालिकामा आयोजित गुणस्तरीय सिकाईका लागि विद्यालय शिक्षा क्षेत्र योजना तथा बजेट निर्माणमा स्थानीय सरकारको क्षमता अभिबृद्धि कार्यक्रममा बोल्ने बक्ताले गुणस्तरीय शिक्षा दिन नसक्दा एक उमेर समूहका जनशक्ति गुमाउनुपर्ने अवस्था आएको बताएका छन् ।
Discussion about this post