बाँके भदौै ३० गते ।
बाँकेमा नेपालगन्ज उपमहानगरपालिका, जानकी गाउँपालिका र नरैनापुर गाउँपालिकाले मोहम्मद डेका अवसरमा भोलि सार्वजनिक विदा दिएका छन् ।
नेपालगन्ज उपमहानगरपालिकाले आज एक सूचना जारी गरेर मुस्लिम समुदायको महत्वपूर्ण पर्व मोहम्मद डेको अवसरमा नगर कार्यपालिकाको कार्यालय, नगर अन्तर्गत २३ वटै वडा कार्यालय र सबै शिक्षण संस्थामा सार्वजनिक विदा दिइएको जनाएको छ । कार्यबाहक नगर प्रमुख कमरुद्दिन राईले अत्यावश्यक स्वास्थ्य सेवा बाहेक सबै बन्द रहने उल्लेख गरेका छन् ।
इस्लाम धर्मावलम्बीको बाक्लो बसोबास रहेको नेपालगञ्जमा मोहम्मद डेको रौनक सुरु भइसकेको छ । यस्तै जानकी गाउँपालिका र नरैनापुर गाउँपालिकाले पनि मोहम्मद डेमा सार्वजनिक विदा दिएका छन् ।
जानकी गाउँपालिका अध्यक्ष छब्बन खाँले सूचना जारी गर्दै गाउँपालिका कार्यालय, वडा र शिक्षण संस्थामा विदा दिएको जनाएका छन् । नरैनापुरका निमित्त प्रमुख प्रशासकीय अधिकृत भरत बस्नेतले पनि एक सूचना जारी गरेर सार्वजनिक विदा दिइएको उल्लेख गरेका छन् ।
Discussion about this post