बाँके असोज १६ गते ।
नेपालगन्जबाट प्रहरीले ठूलो परिमाणमा प्रतिवन्धित लागु औषध बरामद गरेको छ । नेपालगन्ज उपमहानगरपालिका वडा नं.२० राँझाबाट प्रहरीले ९९ सय ग्राम प्रतिवन्धित लागु औषध ब्राउन सुगर सहित दुई जनालाई पक्राउ गरेको छ । पक्राउ पर्नेमा सोही स्थान बस्ने लाल चन्द्र कामी र भारत रुपैडिया बस्ने राहुल शुक्ला रहेको बाँकेका प्रहरी प्रमुख एसपी तुलबहादुर कार्कीले जानकारी दिए ।
जिल्ला प्रहरी कार्यालय बाँके, लागु औषध नियन्त्रण व्यूरो महेन्द्रनगर कञ्चनपुर र लागु औषध नियन्त्रण व्युरो बाँकेबाट खटिएको संयुक्त प्रहरीको टोलिले कामीको डेराकोठामा खानतलासी गर्ने क्रममा भारत रुपैडिया बस्ने राहुल शुक्लाको पाईन्टको दायाँ खल्तीबाट प्लाष्टिकको दुई पोका लागु औषध ब्राउन सुगर फेला पारेको थियो ।
कोठामा रहेको खाटमा लागु औषध ब्राउन सुगर तौल गर्न प्रयोग गरिने डिजिटल तराजु समेत बरामद गरिएको एसपी कार्कीले बताए । प्रहरीका अनुसार कामी र शुक्ला दुवै जना कारोबारी हुन् । शुक्लाले भारतबाट लागु औषध सप्लाई गर्ने गरेको बुझीएको छ । दुई जनालाई नियन्त्रणमा लिएर अनुसन्धान सुरु भइरहेको प्रहरीले जनाएको छ ।
खुला सीमानाकाका कारण बाँकेमा लागु औषधको कारोवार र जोखिम बढी छ । यद्यपी बाँकेमा एसपी कार्की आइसकेपछि लागु औषध नियन्त्रण र नियमनका लागि प्रभावकारी भूमिका निर्वाह गर्दै आइरहेका छन् । कारोवारी र प्रयोगकर्तामाथि निगरानी बढाएपछि कारोवारीहरु पक्राउ पर्न थालेका छन् । लागु औषध विरुद्धका सचेतिकरण कार्यक्रमलाई पनि प्रभावकारी ढंगबाट अगाडि बढाइएको एसपी कार्कीले अनलाइन खोजखवरलाई बताए ।
Discussion about this post