बाँके कात्तिक ५ गते ।
जिल्ला प्रहरी बाँकेले नेपालगन्जको एक कपडा गोदाममा छापा मार्दै एउटा कारसहित अवैधरुपले भण्डारण गरिएको ठूलो परिमाणको अवैध लत्ताकपडा, कारसहित दुई जनालाई पक्राउ गरेको छ ।
सोमवार नेपालगन्ज–२ घरबारी टोलस्थित एक कपडा गोदाममा आफैं पुगेका जिल्ला प्रहरी बाँकेका एसपी तुलबहादुर कार्कीको कमान्डको टोलीले अवैधरुपमा भणडारण गरिराखेको अवस्थामा २ लाख ६९ हजार ४ सय ५० रुपैयाँ बराबरको कटन र उलनको कुर्ता सुरुवाल, स्वेटर बरामद गरेको हो ।
प्रहरीले उक्त गोदामबाट कपडा ढुवानी गर्न राखिएको ६ लाख ५० हजार रुपैयाँको एउटा कारसहित ढुवानीमा संलग्न रहेका दुई जनालाई पनि पक्राउ गरेको बाँके एसपी तुलबहादुर कार्कीले जानकारी दिए ।
बरामद गरिएको लत्ताकपडा र कार गरि जम्मा ९ लाख १९ हजार ४ सय ५० रुपैयाँ बराबरको सामाग्री र दुई जनालाई आबश्यक कारबाहीका लागि नेपालगन्ज भन्सार कार्यालय बुझाएको जिल्ला प्रहरी कार्यालय बाँकेले जनाएको छ।
Discussion about this post