बाँके कात्तिक १४ गते ।
हिन्दुहरुको दोस्रो ठूलो चाड तिहार सुरु भएसँगै नेपालगन्ज जमुनाह नाकामा भिडभाड बढेको छ । तिहार मनाउन घर आउने र दशैं मनाएर रोजगारीका लागि जानेको संख्या बढोत्तरी भएसँगै नाकामा भिडभाड बढेको हो ।
त्यसैगरी किनमेलका लागि थुप्रै नेपालीहरु रुपैडिया बजार जाने गरेका कारण पनि नाकामा भिडभाड बढेको जमुनाह प्रहरी चौकीका इन्चार्ज प्रहरी निरीक्षक उपेन्द्र बुढाथोकीले जानकारी दिए । उनका अनुसार तीन दिनको अवधिमा एक लाख बढी मानिसहरु जमुनाह नाकाबाट आउजाउ गरेका छन् । असोजको १० देखि १३ गतेसम्मको अवधिमा एक लाख १८ हजार २८७ जना मानिसहरु जमुनाह नाकाबाट आउजाउ गरेका छन् ।
यो तीन दिनको अवधिमा ६४ हजार १२१ र जानेको संख्या ५४ हजार १६६ जना रहेको प्रहरी निरीक्षक बुढाथोकीले बताए । दशैं मनाएर रोजगारीका लागि पुनः भारत जाने गरेकाले जानेको संख्या पनि बढोत्तरी देखिएको हो ।
मानिसहरुको भिडभाड बढेसँगै जमुनाह प्रहरी चौकीले सुरक्षा सजगता बढाएको छ । भारतबाट फर्किएरहेका नेपालीहरुको सुरक्षाका लागि प्रहरीले नाकामा सहजीकरणको काम गर्दै आएको पनि उनले बताए । ‘दशैंमा जुन खालको सुरक्षा योजना लागू भएको थियो त्यहींअनुसार तिहारमा पनि सुरक्षा सजगता अपनाएका छौं उनले भने–‘अहिलेसम्म अवस्था सहज छ । नागरिकहरु सुरक्षित रुपमा फर्किरहेका छन् ।’
Discussion about this post