बाँके पुस १० गते ।
१७ औं राष्ट्रपति रनिङशिल्ड छनोट प्रतियोगिता तथा सातौं राप्तीसोनारी गाउँपालिका अध्यक्ष कप खेलकुद प्रतियोगिताको आज बुधवारदेखि सुरु हुँदैछ । हरेक वर्ष राप्तीसोनारीमा उक्त प्रतियोगिता हुँदै आएको छ । गाउँपालिकाको खेलकुद विकास समितिको आयोजना तथा शिवशक्ती माध्यामिक बिद्यालय सम्शेरगन्ज पेरानीको संयोजनमा बुधबारबाट प्रतियोगिता सुरु हुन लागेको राप्तीसोनारी गाउँपालिकाका खेलकुद समिति संयोजक तेज बहादुर सुवेदीले जानकारी दिए ।
७० विद्यालयका १ हजार ३ सय ३४ जना विद्यार्थी खेलाडीहरु प्रतियोगितामा सहभागि हुने उनले बताए । चम्चा, गणित, एक सय मिटर, २ सय मिटर र ४ सय मिटर दौडमा छात्रछात्रा गरी १३५ जना, भलिवलतर्फ छात्रछात्रा ४९५ जना, र एथलेटिक्सतर्फ १५२ जना गरी कूल १ हजार ३ सय ३४ जना विद्यार्थी खेलाडीहरु प्रतियोगितामा प्रतिस्पर्धामा छन् ।
प्रतियोगिताको उद्घाटन बुधबार दिउँसो २ बजे शिवशक्ती माध्यामिक बिद्यालयको प्रांगनमा हुने बिद्यालयका प्रधानाध्यापक पुष्कर खड्काले जानकारी दिए । प्रतियोगिता अन्तरगतका विभिन्न खेलहरु भने बुधबार बिहान ७ बजेदेखी नै सुरु हुने उनले बताए । प्रतियोगिताको कार्यक्रमका प्रमुख अतिथी एवम् राप्तीसोनारी गाउँपालिका अध्यक्ष तप्तबहादुर पौडेलले उद्घाटन गर्ने कार्यक्रम रहेको बताइएको छ । प्रतियोगिता यही पुस १२ गतेसम्म सञ्चालन हुने राप्तीसोनारी गाउँपालिका खेलकुद विकास समितिका संयोजक सुवेदीले जानकारी दिए ।
Discussion about this post