बाँके माघ १३ गते ।
नेपालगन्ज मेलाले सडकको भु–भाग कब्जा गरेर पार्किङ शुल्क असुलेको पाइएको छ । यहीँ माघ १० गतेदेखि २२ गतेसम्म सञ्चालित महोत्सवमा पार्किङ शुल्क असुलेको पाइएको हो ।
प्रादेशिक महोसत्व – २०८१ को आयोजक नेपालगन्ज उद्योग वाणिज्य संघ बाँकेको नामांकित शुल्कको रसिद काटिएको छ । पार्किङ व्यवस्थापनको जिम्मा लिएका केही युवाहरुले रसिद थमाउदै दुईपांग्रे र चारपांग्रे सवारी साधन पार्किङबापत शुल्क असुलिरहेको पाइएको हो । पार्किङ शुल्क जसमा साइकल रु १० , मोटरसाइकल रु २० , अटो रेक्सा रु ३० र कार भ्यान रु ५० रुपैयाँ असुलिरहेका छन ।
मेला समयमा पार्किङ गरे बापत शुल्क लिने यो पहिलोपटक भने होइन तर यहाँ मेला समितिले चर्को मुल्यमा सम्झौता गरि पार्किङका लागि ठेक्का दिने गरेको थियोे । त्यस्तै महोत्सव हेर्न आएका एकले पार्किङ शुल्क लिएको प्रति आश्चर्य मान्दै भने सडकमै पार्किङ गरेको पनि शुल्क अचम्म छ मेरो देश अब कुनै दिन बोलेको पनि पैसा लाग्ने बनाए कसरी बाच्ने सुनाए ।
हामीले पार्किङ शुल्क बारे नेपालगन्ज उपमहानगरपालिकाका मेयर प्रशान्त बिष्टलाई सोध्दा सबै जिम्मेवारी नेपालगन्ज उद्योग वाणिज्य संघले लिएको छ कहाँ के गरेको छ सबैको जिम्मेवारी बाणिज्य हो भनी बताए ।
Discussion about this post