बाँके माघ १८ गते ।
बाँकेमा मोटरसाइकल दुर्घटना हुँदा एक जनाको मृत्यु भएको छ । कोहलपुर नगरपालिका वडा नम्बर ३ बरदहवामा भे।१२ प। ४२६८ नम्बरको मोटरसाइकल दुर्घटना हुँदा कोहलपुर १५ चौधरिया गाउँका २० वर्षीय अनुप कुमार थारुको मृत्यु भएको हो ।
मोटरसाइकलमा तीन जना सवार मध्ये दुई जना गम्भीर घाइते भएका छन् । घाइते कोहलपुर १५ कै इसम थारु र जीवन थारुको नेपालगन्ज मेडिकल कलेज कोहलपुरमा उपचार भइरहेको इलाका प्रहरी कार्यालय कोहलपुरले जनाएको छ ।
प्रहरीका अनुसार निर्माणाधिन नालाको कल्भर्टमा मध्यराती मोटरसाइकल ठोकिएको प्रहरीले जनाएको छ ।
ADVERTISEMENT
Discussion about this post