बर्दिया फागुन २० गते ।
बर्दियामा एक भाले पाटे बाघ मरेको अवस्थामा फेला परेको छ । गुलरिया नगरपालिका–१२ मा रहेको भवानी सामुदायिक वनमा भाले पाटेबाघ मरेको अवस्थामा फेला परेको हो ।
बाघ केही साता अगाडि मरेको अनुमान गरिएको डिभिजन वन कार्यालय बर्दियाका सूचना अधिकारी रामकुमार चौधरीले बताए । बाघको प्रकृति हेर्दा लामो समयसम्म खान नपाएर मरेको हुनसक्ने उनले बताए ।
बाघ करिब ३ वर्षको भएको राष्ट्रिय प्रकृति संरक्षण कोषका प्रमुख अजीत तुम्बाहाङ्फेले बताए । उनले भने, ‘कुहिएको अवस्थामा बाघ फेला परेको छ । मृतक बाघको शरीर कुहिएको हुँदा पोस्टमार्टम गर्नसमेत कठिन भएको बताए ।’
सामुदायिक वनका उपभोक्ता र डिभिजन वन कार्यालयका कर्मचारीले सामुदायिक वन गस्ती गर्दा गन्ध आएपछि खोजबिन गर्ने क्रममा मरेको अवस्थामा बाघ फेला परेको थियो ।
ADVERTISEMENT
Discussion about this post