काठमाडौं चैत १० गते ।
देशका धेरै स्थानमा शुक्रबार र शनिबार वर्षा भएको छ । हिमाली तथा उच्च पहाडी भूभाग कतैकतै हिमपात पनि भएको मौसम पूर्वानुमान महाशाखाले जनाएको छ । आजपनि देशका केही भूभागमा वर्षाको सम्भावना रहेको महाशाखाका मौसमविद् सरोज पुडासैनीले जानकारी दिए ।
कोसी र वाग्मती प्रदेशमा वर्षाको सम्भावना बढी रहेको उनले बताए । “आज दिउँसो कोसी र वाग्मती प्रदेशका केही र गण्डकी र मधेस प्रदेशका एकदुई स्थानमा हल्का वर्षाको सम्भावना छ,” उनले भने । उनका अनुसार, शनिबार राति पनि वर्षा हुनेछ । आइतबार बिहान मौसम खुल्ने र दिउँसो पुनः बदली (आकाशमा बादल) रवर्षा हुने उनले बताए । हाल प्रिमनसुन अवधि हो ।
यो अवधिमा बिहानको समयमा घाम लाग्ने र अपराह्नमा पानी पर्ने सम्भावना हुने उनले स्पष्ट पारे । “बिहान घाम लाग्ने, मौसम खुल्ने, दिउँसो १।२ बजेपछि बादल बढ्दै जाने र मेघगर्जन (बिजुली चम्किनु) र चट्याङसहित वर्षा हुने, असिनापानी पर्ने, हावाहुरी चल्ने हुन्छ,” उनले भने ।
विशेष गरी कोसी र वाग्मती प्रदेशमा आज यस्तै मौसम हुने उनले बताए । प्रिमनसुन अवधिमा दिउँसोको समयमा स्थानीय वायु सक्रिय भएर कतैकतै पानी पर्ने सम्भावना रहने उनले जानकारी दिए ।
Discussion about this post