बाँके जेठ १० गते ।
नेकपा (एमाले) केन्द्रीय कमिटी सदस्य शान्ति ढकालले पार्टी र आस्थाका संगठनबीच समन्वय गरेर काम गर्न निर्देशन दिइएकी छिन् । नेकपा (एमाले) शिक्षा तथा मावस्रोत विभागले शनिवार नेपालगन्जमा आयोजना गरेको नेपाल प्रगतिशील प्राध्यापक संगठनको ११ औं राष्ट्रिय अधिवेशनबाट निर्वाचित केन्द्रीय कमिटी सदस्य र विभिन्न विश्वविद्यालयका आंशिक क्याम्पसका समितिमा निर्वाचित कार्यसमितिलाई सम्मान कार्यक्रमलाई सम्वोधन गर्दै ढकालले पार्टी र आस्थाका संगठनबीच समन्वय गरेर काम गरेमा विकास, निर्माण र समृद्धिमा उल्लेख्यि काम गर्न सकिने धारणा राखिन् ।
यस्तै संविधान सभा सदस्य तथा एमाले केन्द्रीय अनुशासन आयोगका सदस्य देवराज भारले संविधान र कानूनी अधिकार जनतासमक्ष पु¥याउन केवल पार्टी कमिटीले मात्रै संभव नहुने भएकाले त्यसका लागि बौद्धिक वर्गको अहम् भुमिका हुने बताए । विभागका बाँके अध्यक्ष सूर्य रोकायको अध्यक्षतामा भएको कार्यक्रममा पार्टीका केन्द्रीय लेखा आयोगका सदस्य विजया धिताल, एमाले जिल्ला कमिटीका उपसचिव निर्मला सुनार, जिल्ला सचिवालय सदस्य समर खत्री, प्रगतिशील लेखक संघका केन्द्रीय सचिव डा. हरि प्रसाद तिमिल्सेना लगायतले पार्टीलाई गतिशील बनाउन आस्थाका संगठनहरुको महत्वपूर्ण भूमिका हुने बताए ।
उक्त कार्यक्रममा ११ औं राष्ट्रिय अधिवेशनबाट केन्द्रीय कमिटीमा निर्वाचित, औं इकाई अधिवेशनबाट निर्वाचित महेन्द्र बहुमुखी क्याम्पस नेपालगंजको इकाई कमिटीलाई, ५औं अधिवेशनबाट निर्वाचित बागेश्वरी बहुमुखी क्याम्पस कोहलपुरको इकाई कमिटीलाई, प्रथम अधिवेशनबाट निर्वाचित नेपालगन्ज नर्सिंग क्याम्पस र लुम्बिनी प्राविधिक बिश्वविद्यालय नेपालगन्ज कमिटी र प्रगतिशील लेखक संघको केन्द्रीय अधिवेशनबाट केन्द्रीय सचिवमा निर्वाचितलाई सम्मानित गरिएको हो ।
सम्मानित हुनेहरुमा लुम्विनी प्राविधिक विश्वविद्यालयका डिन डा.निरज केसी, नेपाल प्रगतिशील प्रध्यापक संगठनका सचिव भुवनेश्वर लामछिाने, सदस्सहरु तोयानाथ पहाडी, दमन ध्वज डिसी, दानबहादुर हमाल, तुलसा सुनार र सञ्जीव रेग्मी रहेको अध्यक्ष रोकायले जानकारी दिए ।
Discussion about this post