बाँके जेठ १४ गते ।
गणतन्त्र दिवस २०८२ का अवसरमा पर्सि बिहीवार नेपाली काँग्रेस बाँकेले मानवीय कार्यक्रम गर्ने जनाएको छ । पार्टी सभापति नारायाण गौडेलका अनुसार भोलि बिहीवार नेपाली काँग्रेसले रक्तदानका लागि पार्टीका कार्यकर्तालाई आव्हान गरेको छ । उक्त दिन नेपालगञ्जको भेरी अस्पतालस्थित रक्तसंचार केन्द्रमा सभापति गौडेलसहित पार्टीका अन्य नेता कार्यकर्ताहरुले रक्तदान गर्नेछन् ।
यसैबीच नेपालगन्जमा नेपाली काँग्रेसका महामन्त्री गगन थापा आउने भएका छन् । उनी यही जेठ २० गते नेपालगन्जमा हुने नेपाली काँग्रेस बाँके क्षेत्र नं. २ को क्षेत्रीय सम्मेलनमा प्रमुख अतिथिका रुपमा सहभागी हुने क्षेत्रीय सभापति रमेश कुमार गुप्ताले बताए । सम्मेलनमा महामन्त्री थापासंगै लुम्बिनी प्रदेश सभापति अमर सिंह पुन लगायतका नेताहरु पनि सहभागी हुने बताइएको छ ।
क्षेत्रीय सभापति गुप्ताका अनुसार क्षेत्रीय सम्मेलनमा विभिन्न विषयमा कार्यपत्र तथा आर्थिक प्रतिवेदन प्रस्तुत हुनेछन् । सम्मेलनको बन्दसत्रमा ४७० जना प्रतिनिधिको सहभागिता रहने छ भने उद्घाटन सत्रमा करिब एक हजार बढीको सहभाािगता हुनेछ ।
Discussion about this post