बाँके माघ १६ गते ।
बाँके क्षेत्र नं. २ का प्रतिनिधि सभा सदस्य पदका उम्मेदवार तथा जनता समाजवादी पार्टी नेपालका नेता कमरुद्दीन राईले मतदाताको घर–घरमा पुगेर आफ्नो उम्मेदवारीको उद्देश्य र आगामी कार्ययोजनाबारे जानकारी गराइरहेका छन्।
घरदैलो अभियानका क्रममा उनले नेपालगञ्ज उपमहानगरपालिकाको उपमेयर पदबाट राजीनामा दिएर प्रतिनिधि सभा निर्वाचनमा उम्मेदवारी दिनुको कारणबारे मतदातालाई स्पष्ट पारेका छन्। राईले मधेश आन्दोलन तथा मधेशी सहिदहरूको बलिदानबाट प्राप्त उपलब्धिहरूको संरक्षण र मधेशी समुदायको हकहितलाई थप मजबुत बनाउन आफूले उपमेयर पद त्यागेर चुनावी मैदानमा उत्रिएको बताए।
उनले मधेशी जनताको अधिकारका लागि कुर्सी र सत्ता मोह त्याग गरेको उल्लेख गर्दै राजनीतिक प्रतिबद्धता दोहो¥याएका छन्।
यसैबीच, कमरुद्दीन राईको चुनावी टोलीलाई विभिन्न स्थानमा स्थानीय जनताले उत्साहपूर्ण स्वागत र सम्मान गरिरहेको प्रचार टोलीमा रहेकी लुम्बिनी प्रदेशसभा सदस्य अम्बिका काफ्लेले जानकारी दिइन्। उनका अनुसार राईलाई सबै समुदायबाट सकारात्मक सहयोग र समर्थन प्राप्त भइरहेको छ।
प्रदेशसभा सदस्य काफ्लेले जनतालाई अब भाषणभन्दा पनि काम आवश्यक रहेको बताउँदै, बोल्ने र काम गर्ने नेताबीचको भिन्नता जनताले राम्ररी चिन्न थालेको उल्लेख गरिन्।
Discussion about this post