बाँके फागुन २३ गते ।
प्रतिनिधिसभा सदस्य निर्वाचनअन्तर्गत बाँके निर्वाचन क्षेत्र नम्बर १ बाट राष्ट्रिय स्वतन्त्र पार्टी (रास्वपा) का उम्मेदवार सुरेश कुमार चौधरी विजयी भएका छन् ।
चौधरीले निकटतम प्रतिस्पर्धी नेपाली कांग्रेसका नारायणप्रसाद गौडेललाई १७ हजार ४९१ मतान्तरले पराजित गर्दै प्रतिनिधिसभा सदस्यमा निर्वाचित भएका हुन् ।
मुख्य निर्वाचन अधिकृतको कार्यालयका अनुसार अन्तिम मतपरिणामअनुसार चौधरीले ३२ हजार ७९२ मत प्राप्त गरेका छन् भने उनका निकटतम प्रतिस्पर्धी गौडेलले १५ हजार ३०१ मत प्राप्त गरेका छन् ।
त्यसैगरी नेकपा (एमाले) का उम्मेदवार सूर्यप्रसाद ढकालले ११ हजार ९५ मत प्राप्त गरेका छन् ।
मतपरिणाम सार्वजनिक भएसँगै बाँकेमा रास्वपाका कार्यकर्ता तथा समर्थकहरूमा उत्साह छाएको छ । विजयी उम्मेदवार चौधरीले मतदाताप्रति आभार व्यक्त गर्दै क्षेत्रको विकास, सुशासन र जनअपेक्षा पूरा गर्न आफू सदैव प्रतिबद्ध रहने बताएका छन् ।
Discussion about this post