चितवन फागुन २३ गते ।
चितवन क्षेत्र नम्बर २ मा राष्ट्रिय स्वतन्त्र पार्टी (रास्वपा)का सभापति रवि लामिछाने भारी मतान्तरसहित विजयी भएका छन् । उनले कुल ५४ हजार ४०२ मत प्राप्त गर्दै जित हासिल गरेका हुन् ।
उनका निकटतम प्रतिस्पर्धी नेपाली कांग्रेसकी मिना कुमारी खरेलले १४ हजार ५६४ मत प्राप्त गरिन् भने नेकपा एमालेका अश्विन घिमिरेले ६ हजार ९९२ मत प्राप्त गरेका छन् ।
यो जितसँगै लामिछानेले चितवन–२ बाट लगातार तेस्रो पटक विजय (ह्याट्रिक) हासिल गरेका छन् । यसअघि २०७९ सालको प्रतिनिधिसभा निर्वाचनमा उनले ४९ हजार ३०० मत प्राप्त गरेका थिए भने त्यसपछिको उपनिर्वाचनमा ५४ हजार १७६ मत ल्याएर विजयी भएका थिए ।
ADVERTISEMENT
Discussion about this post