दाङ, असार २१ गते।
दाङमा धान रोप्ने क्रममा चट्याङ लाग्दा एक महिलाको मृत्यु भएको छ भने अन्य दुई जना घाइते भएका छन्।
शनिबार घोराही उपमहानगरपालिका–९ मछाहीमा धान रोपिरहेका बेला परेको चट्याङबाट बङ्गलाचुली गाउँपालिका–२ मर्पेसकी २६ वर्षीया दिपा थापाको मृत्यु भएको जिल्ला प्रहरी कार्यालय दाङका प्रहरी उपरीक्षक दीपक श्रेष्ठले जानकारी दिए।
चट्याङ लागेर गम्भीर घाइते भएकी थापाको घोराहीस्थित राप्ती स्वास्थ्य विज्ञान प्रतिष्ठानमा उपचारका क्रममा मृत्यु भएको प्रहरीले जनाएको छ।
उक्त घटनामा बङ्गलाचुली गाउँपालिका–२ कै २९ वर्षीया कमला थापा र २४ वर्षीय सन्दीप विक पनि घाइते भएका छन्। प्रहरीका अनुसार कमला थापाको अवस्था गम्भीर रहेको छ भने सन्दीप विकको अवस्था मध्यम छ।
दुवै घाइतेको राप्ती स्वास्थ्य विज्ञान प्रतिष्ठानमा उपचार भइरहेको प्रहरीले जनाएको छ।
ADVERTISEMENT
Discussion about this post